mainBack
headMenyDekor
Språk: Davvi: Osku
Oahpa:
Lávvu

Rohkadallan

Biibbalis logat rohkadallama birra. Logat ahte Ipmil háliida min rohkadallat, ja ahte son gullá min rohkosiid. Eai gávdno njuolggadusat mo galgat rohkadallat.
 

· Sáhtát rohkadallat vaikko dus ii leat mihkkege maid dadjat. Dat mii lea dehálaš, lea ahte Ipmil lea lohpidan leat min lahka go mii rohkadallat.
· Sáhtát rohkadallat jitnosit dahje jávohaga
· Sáhtát čuorvut ja váidalit
· Sáhtát giitit
· Sáhtát ávvudit
· Sáhtát muitalit maid it ádde
· Sáhtát bivdit veahki
· Sáhtát rohkadallat dearvvasmahttima
· Sáhtát rohkadallat ándagassiiaddojumi
· Sáhtát rohkadallat jeđđehusa
· Sáhtát dušše muitalit
· Sáhtát rohkadallat okto dahje earáiguin
· Sáhtát geavahit Biibbala go rohkadalat – earret eará Sálmmaid girjji Boares Testameanttas
· Sáhtát rohkadallat Áhččámet-rohkosa
· Sáhtát rohkadallat Jesus-rohkosa sihke go geasát ja go luoittát vuoiŋŋahaga: Hearrá, Jesus Kristus árpmit mu, suttolaš olmmoš
· Sáhtát rohkadallat  eará olbmuid ovddas
· Sáhtát jearrat Ipmilis čájehit dutnje maid galggat dahkat
· Sáhtát rohkadallat  ráfi ovddas

Sáhtát vajáldahttit olles dán listtu ja dušše dadjat: "Ipmil!" ja de eallit ja ráhkistit Ipmila mánnán.
Gula ja oahpa Ann Mari Andersena lávllateavstta.

Hva er forskjell mellom bønn og sang? Kan sang være en måte å be på? Hvordan kan kristne over hele verden holde håpet oppe og tro på en god Gud, når det skjer så mye ondt i verden?
Utskriftsvennlig versjon

Sisdoalu birra

 

Lávvu lea sihke orrunbáiki, boradanbáiki ja oktasašvuođa báiki. Lávvu addá suoji ja ovddasta olbmuid vádjoleami ja mihttomeari.
 
Biibbalis lohkat johtti álbmogiid birra geat ásse tealttás. Sáhttá earret eará lohkat Abrahama birra gii ásai tealttás Issáhiin ja Jáhkobiin (Hebr. 11,9) ja Moses birra, gii ceggii goađi siidda olggobeallái (2. Mos 33,7).
 
Lávu cakkit sáhttet ovddastit Áhči, Bártni ja Bassi vuoiŋŋa. Eará lávvomuorat leat olbmot guđet hukset eallimiideaset golbmaoktalašvuođa alde.

 
mainTail3spalte