Go dagan maid nu boastut, de šattan váivvis maŋŋá, ja de bivddán ándagassii. Maid dat máksá ándagassii addit? Mo sáhttit diehtit lea go nubbi duođaid addán ándagassii midjiide? Mo sáhttit diehtit leat go ieža ándagassii addán nubbái? Dán rohkosis rohkadallat ahte Ipmil addá midjiide ándagassii das, maid leat bargan Ipmila dáhtu vuostá. Ja Ipmil addá fal ándagassii go mii dan rohkadallat min váimmolaš oskkus sutnje. Mii dahkat álo máidnu boastut juohke beaivvi, man dihtii fertet bivdit ándagassii Ipmilis.

 

Mii galgat maiddái ándagassii addit earáide jus sii ges leat dahkan maid nu mii lea váivvidan min. Lea váttis átnut ándagassii ja ándagassii addit, ja danin dat ferte leat mielde min rohkosiin ja min eallimis juohke beaivvi. Jesus oahpahii ahte fertet ándagassii addit earáide, nu mo son addá midjiide ándagassii. Vaikko vel ándagassii addit lea váttis, ja vaikko vel mis sáhttá leat veaháš váivi, de galgat geahččalit earáid deaivvadit mojiin.

 

Lávvu lea sihke orrunbáiki, boradanbáiki ja oktasašvuođa báiki. Lávvu addá suoji ja ovddasta olbmuid vádjoleami ja mihttomeari.

 

Biibbalis lohkat johtti álbmogiid birra geat ásse tealttás. Sáhttá earret eará lohkat Abrahama birra gii ásai tealttás Issáhiin ja Jáhkobiin (Hebr. 11,9) ja Moses birra, gii ceggii goađi siidda olggobeallái (2. Mos 33,7).

 

Lávu cakkit sáhttet ovddastit Áhči, Bártni ja Bassi vuoiŋŋa. Eará lávvomuorat leat olbmot guđet hukset eallimiideaset golbmaoktalašvuođa alde.