Ale ge doalvvo min geahččalussii
Leat go goassege geahččaluvvon? Geasa dahje masa? Maid leat geahččaluvvon dahkat dahje gárvet? Leat go don goassege iskan earáid niktit?
Dán rohkosis rohkadallat veahki Ipmilis gáidit eret das, mii doalvu min geahččalussii. Leat máŋga dakkára – oađđit nu guhkká iđđedis ahte ii mana skuvlii, borrat olu šukuláda vaikko dat bilida bániid, dihtoris spillet go galggašii leavssuid bargat, mannat ijastallat ustibiid luhtte vahkkoloahpas ja vajáldahttit girkui mannat, geahččat filmmaid vaikko ii leat lohpi dan dahkat go eadni ii leat ruovttus, sávvat ođđa biktasiid vaikko mus leat juo olu biktasat. Ii leat nu álki garvit buot dáid.
Dán rohkosis rohkadallat veahki Ipmilis gáidit eret das, mii doalvu min geahččalussii. Leat máŋga dakkára – oađđit nu guhkká iđđedis ahte ii mana skuvlii, borrat olu šukuláda vaikko dat bilida bániid, dihtoris spillet go galggašii leavssuid bargat, mannat ijastallat ustibiid luhtte vahkkoloahpas ja vajáldahttit girkui mannat, geahččat filmmaid vaikko ii leat lohpi dan dahkat go eadni ii leat ruovttus, sávvat ođđa biktasiid vaikko mus leat juo olu biktasat. Ii leat nu álki garvit buot dáid.
Lea maid niktin šaddat menddo iešberošteaddji. Lean go mun dás sin várás geat dárbbašit mu veahki?
Sisdoalu birra
Lávvu lea sihke orrunbáiki, boradanbáiki ja oktasašvuođa báiki. Lávvu addá suoji ja ovddasta olbmuid vádjoleami ja mihttomeari.
Biibbalis lohkat johtti álbmogiid birra geat ásse tealttás. Sáhttá earret eará lohkat Abrahama birra gii ásai tealttás Issáhiin ja Jáhkobiin (Hebr. 11,9) ja Moses birra, gii ceggii goađi siidda olggobeallái (2. Mos 33,7).
Lávu cakkit sáhttet ovddastit Áhči, Bártni ja Bassi vuoiŋŋa. Eará lávvomuorat leat olbmot guđet hukset eallimiideaset golbmaoktalašvuođa alde.
