Konfirmašuvdna
Gásttas šaddat risttalaš girku miellahttun. Leat váhnemat ja risváhnemat geat dan dahket máná ovddas. Konfirmašuvnnas váldá nuorra ieš ovddasvástádusa. Danin lea lunddolaš ahte sii geat leat gástašuvvon, maiddái konfirmerejuvvojit girkus. Konfirmašuvdna máksá duođašteapmi. Konfirmašuvnnas duođašta Ipmil ahte lohpádusaid maid attii gásttas, ain gustojit.
Konfirmašunáiggis lea vejolaš smiehtadit lagabui iežat oskku, oahppat eambbo Biibbala birra, ságastallat risttalaš oskku birra, oahpásmuvvat girkuin, fuobmát ođđa jurdagiid eallima birra, ja váldit oasi girkolaš barggus sihke lagaš servvodagas ja máilmmis.
Mii lea deháleamos sivva dasa ahte áiggut konfirmerejuvvot? Makkár sávaldagat leat dus iežat konfirmašunáiggi ektui?
Loga eambbo konfirmašuvnna birra das.
Sisdoalu birra
Čáhci lea guovddážis sihke min árgabeaivvis ja oskuoahpahusas.
Čáhci lea searaid ája ja buktá eallima. Ádjagis gávdnat juhkamuša. Čáhci lea juo ovdal sivdnideami čieža beaivvi. Lea daddjon ahte čáhci ja Ipmila vuoigŋa leat doppe, ovdal go sivdnideapmi álgá.
Čáhci geavahuvvo gásttas. Lutherána girkus lea dábálaš ahte mánát gásttašuvvojit, muhto dađistaga lea šaddan dábálažžan gásttašuvvot maiddái nuorran dahje olleolmmožin. Go mánná gásttašuvvo, de son guhte gásttaša máná, goaivu veaháš čázi máná oaivái golbmii ja gásttaša su Áhči, Bártni ja Bassi vuoiŋŋa nammii. Ipmila sáni haga gásttas livččii čáhci dušše čáhcin. Gástačáhci šaddá bassi čáhcin go geavahuvvo Ipmil sániin. Ruovttogástta olis guddojuvvo gástačáhci olggos, ja leikejuvvo viesu nuorttabealde dahje doppe gos olbmot eai jođe.
Girku álgoáiggis lei konfirmašuvdna gástta oassin. Geavatlaš sivaid geažil sirrejuvvojedje konfirmašuvdna ja gásta. Konfirmašuvdna šattai de sierra girkolaš dahkku, ja áiggi mielde šattai maid iešheanalaš sakrameanta gástta lassin. Juohke jagi konfirmerejuvvojit sullii 40 000 nuora Norgga girkus.
Velg emne:
