Leat risttalažžan

Vuosttamuččat geat osko Jesusii gohčoduvvo risttalažžan Kristusa nama mielde.

Oskut Ipmilii lea luohttit sutnje. Dat boahtá váimmus. Ii dan sáhte duođaštit sániiguin, ii dan sáhte čájehit dahje čilget dieđalaš teoriijaiguin. Diehttelas dát ii mearkkaš ahte ii galgga geahččalit áddet jierpmálaččat dán, muhto osku dahje ráhkesvuođa, dan ii sáhte čilget. Dan ferte vásihit. Máŋgga olbmo dovdet oadjebassan go Ipmilii oskot.

Sáhttá leat váttis jáhkkit ahte Jesus lei Ipmila bárdni. Mii geat dál eallit, eat sáhte Jesusa oaidnit, muhto mii dovdat muitalusa su birra, go lea su birra čállon Biibbalis.

Manne don oskkut Jesusii? Manne lea muhtumin váttis oskut Jesusii?

Biibbalis veardiduvvo beaivváš Jesusiin, lea čállojuvvon ahte Jesus ámadadju šearrái dego gaskabeaibeaivváš (Alm. 1, 16)

Dat guđet oskot Jesus Kristusii gohčodit iežaset risttalažžan. Mii dat lea, oskot Jesus Kristusii?

Assisilaš Bassi Fransa áiggui lagamučča ráhkistit buoremusat bálvaleami bokte. Son guđii eallima riggáid gaskkas. Son gohčodii lottiid, elliid, liđiid ja muoraid oabbán ja vielljan. Loga Bassi Franssa sártni mas hálešta elliiguin.