Logi báhkkoma

Ipmil attii Mosesii 10 báhkkoma Sinai-vári alde. Báhkkomat ledje čállojuvvon guokte geađgetávvalii. Báhkkomat ledje Ipmila válljejuvvon álbmoga Israelihtaid, eallinnjuolggadusat. Ipmil addá lága álbmogii ráhkesvuođain. Buori rámmat eallimis sáhttá leat Ipmila ráhkesvuođadahku. Olbmot dárbbašit njuolggadusaid jus galget eallit soabalaččat ja ráfálaččat. Vuosttaš golbma báhkkoma čilgejit olbmo oktavuođa Ipmiliin. Čieža eará báhkkoma čilgejit olbmuidgaskasaš oktavuođaid. Báhkkomat leat čohkkejuvvon duppal ráhkesvuođabáhkkomis: Don galggat ráhkistit Ipmila buot eará badjel, ja galggat ráhkistit lagamuččat nugo iežat.

Leat go rihkkon muhtun dáin báhkkomiin maŋimuš áiggi? Mii báhkkomiid leat váddát čuovvut?

Dolla addá lieggasa ja čuovgga ja lagasvuođa. Dolla garggista, eallá. Lea dáidu dahkat dola juohkelágan eatnamiin ja dálkkiin. Sámegillii leat iešguđetge sánit mat čilgejit olgodola, dola sturrodaga mielde, boaldinmuora mielde, dollasaji mielde ja máŋgga eará faktorat mearridit dola nama.

Dola birra biddjojuvvojit dábálaččat geađggit, mat galget dola doalahit sajis. Ipmil lea addán álbmogasas geđggiid 10 báhkkomiin. Maid muitalit 10 báhkkoma? Ipmil attii Mosesii báhkkomiid veahkehandihte Israela álbmoga ovttaseallit buriin vugiin.

Dolla addá lieggasa ja šaddá midjiide lunddolaš čoahkkesadjin.