1. Dus eai galgga leat eará Ipmilat go mun.
Mii galgat ballat Ipmilis ja ráhkistit su eanebut go buot eará ja dorvvastit aivve fal sutnje.
Mii "vajáldahttit" dávjá Ipmila, ja bajidit eará dávviriid dahje olbmuid go golahit menddo olu áiggi, searaid ja ruđaid daidda.
Gávnnat mo sáhtát Ipmilii čájehit ráhkisvuođat.
Sisdoalu birra
Dolla addá lieggasa ja čuovgga ja lagasvuođa. Dolla garggista, eallá. Lea dáidu dahkat dola juohkelágan eatnamiin ja dálkkiin. Sámegillii leat iešguđetge sánit mat čilgejit olgodola, dola sturrodaga mielde, boaldinmuora mielde, dollasaji mielde ja máŋgga eará faktorat mearridit dola nama.
Dola birra biddjojuvvojit dábálaččat geađggit, mat galget dola doalahit sajis. Ipmil lea addán álbmogasas geđggiid 10 báhkkomiin. Maid muitalit 10 báhkkoma? Ipmil attii Mosesii báhkkomiid veahkehandihte Israela álbmoga ovttaseallit buriin vugiin.
Dolla addá lieggasa ja šaddá midjiide lunddolaš čoahkkesadjin.
