2. It galgga Hearrá Ipmilat nama atnit duššálažžan.
Mii galgat ballat Ipmilis ja ráhkistit su, amamet geavahit su nama vuordnumii, noidošeapmái, gielástallamii dahje beahttimii, muhto vai mii čuorvut Ipmilii buot heađisteamet, rohkadallat, máidnut ja giitit.
Juohkehaččas lea namma. Mii geavahit Ipmila nama go suinna háleštit rohkosa bokte, Ipmilbálvalusas ja go sutnje lávlut. Muhto menddo ollu olbmot – sihke nuorat ja ollesolbmot – geavahit Ipmila nama go leat soapmásii suhtan. Go gárrudat, de čuorvvut biro. Leat go dán smiehttan? Geavat eará maid sáhtát dadjat jus fertet.
Sisdoalu birra
Dolla addá lieggasa ja čuovgga ja lagasvuođa. Dolla garggista, eallá. Lea dáidu dahkat dola juohkelágan eatnamiin ja dálkkiin. Sámegillii leat iešguđetge sánit mat čilgejit olgodola, dola sturrodaga mielde, boaldinmuora mielde, dollasaji mielde ja máŋgga eará faktorat mearridit dola nama.
Dola birra biddjojuvvojit dábálaččat geađggit, mat galget dola doalahit sajis. Ipmil lea addán álbmogasas geđggiid 10 báhkkomiin. Maid muitalit 10 báhkkoma? Ipmil attii Mosesii báhkkomiid veahkehandihte Israela álbmoga ovttaseallit buriin vugiin.
Dolla addá lieggasa ja šaddá midjiide lunddolaš čoahkkesadjin.
