3. Don galggat atnit vuoiŋŋadanbeaivvi bassin.

Mii galgat ballat Ipmilis ja ráhkistit su, amamet badjelgeahččat sártni ja su sáni, muhto vai mii atnit sáni bassin, ja mielasteamet guldalit ja oahppat dan.

Don sáhtát mannat Ipmilbálvalussii. Dahje sáhtát rohkadallat ovttas váhnemiiguin, oappáiguin ja vieljaiguin, ustibiiguin dahje lohkat Biibbalis ja háleštit Biibbalfáttáid birra. Mii gudnejahttit ja bálvalit Ipmila earret eará go golahit áiggi Ipmilbálvalusas, Biibballohkamis ja rohkadallamis.

Man láhkái dii ávvudehpet sotnabeaivvi?

Dolla addá lieggasa ja čuovgga ja lagasvuođa. Dolla garggista, eallá. Lea dáidu dahkat dola juohkelágan eatnamiin ja dálkkiin. Sámegillii leat iešguđetge sánit mat čilgejit olgodola, dola sturrodaga mielde, boaldinmuora mielde, dollasaji mielde ja máŋgga eará faktorat mearridit dola nama.

Dola birra biddjojuvvojit dábálaččat geađggit, mat galget dola doalahit sajis. Ipmil lea addán álbmogasas geđggiid 10 báhkkomiin. Maid muitalit 10 báhkkoma? Ipmil attii Mosesii báhkkomiid veahkehandihte Israela álbmoga ovttaseallit buriin vugiin.

Dolla addá lieggasa ja šaddá midjiide lunddolaš čoahkkesadjin.