4. Don galggat gudnejahttit áhčát ja eatnát
Mii galgat ballat Ipmilis ja ráhkistit su, amamet badjelgeahččat dahje moaráhuhttit váhnemiiddámet dahje earáid geat leat biddjojuvvon min alibun, muhto vai mii atnit sin gudnis, bálvalit, jeagadit, ráhkistit sin ja atnit sin árvvus.
Go váhnemiiddát gudnejahtát, de anát sudno árvvus. It dárbbaš álo leat ovttaoaivilis sudnuin dahje doarjut sudno juohke áidna áššis.
Jus mii ráhkistit soapmása, de beroštit sis, ja de háliidit sin veahkehit ja illudit. Maid sáhtát don dahkat illudandihte váhnemiiddát?
Sisdoalu birra
Dolla addá lieggasa ja čuovgga ja lagasvuođa. Dolla garggista, eallá. Lea dáidu dahkat dola juohkelágan eatnamiin ja dálkkiin. Sámegillii leat iešguđetge sánit mat čilgejit olgodola, dola sturrodaga mielde, boaldinmuora mielde, dollasaji mielde ja máŋgga eará faktorat mearridit dola nama.
Dola birra biddjojuvvojit dábálaččat geađggit, mat galget dola doalahit sajis. Ipmil lea addán álbmogasas geđggiid 10 báhkkomiin. Maid muitalit 10 báhkkoma? Ipmil attii Mosesii báhkkomiid veahkehandihte Israela álbmoga ovttaseallit buriin vugiin.
Dolla addá lieggasa ja šaddá midjiide lunddolaš čoahkkesadjin.
