7. It galgga suoládit
Mii galgat ballat Ipmilis ja ráhkistit su, amamet váldit lagamužžamet ruđaid dahje opmodagaid, dahje fillet sus maidege vearregálvvuiguin ja eará behtolašvuođain, muhto vai mii veahkehit su gádjut su opmodaga ja buoridit su ealáhusa.
Suoládeapmi sáhttá leat nu olu – sáhttá leat báŋkkus suoládit ruđaid, kantuvrras suoládit dihtora, dahje sihkkungumme “luoikkahit” muitalkeahttá oamasteaddjái ja de “vajáldahttit” dan addit ruovttoluotta. Sáhttá maid máksit earáin fillet juoidá dahje gávildit juoidá mii ii gula munnje. Mo lea vejolaš suoládit boahtte buolvvas?
Sisdoalu birra
Dolla addá lieggasa ja čuovgga ja lagasvuođa. Dolla garggista, eallá. Lea dáidu dahkat dola juohkelágan eatnamiin ja dálkkiin. Sámegillii leat iešguđetge sánit mat čilgejit olgodola, dola sturrodaga mielde, boaldinmuora mielde, dollasaji mielde ja máŋgga eará faktorat mearridit dola nama.
Dola birra biddjojuvvojit dábálaččat geađggit, mat galget dola doalahit sajis. Ipmil lea addán álbmogasas geđggiid 10 báhkkomiin. Maid muitalit 10 báhkkoma? Ipmil attii Mosesii báhkkomiid veahkehandihte Israela álbmoga ovttaseallit buriin vugiin.
Dolla addá lieggasa ja šaddá midjiide lunddolaš čoahkkesadjin.
