8. It galgga cealkit vearreduođaštusa lagamuččat vuostái.
Mii galgat ballat Ipmilis ja ráhkistit su, amamet gielástallat lagamužžamet ala, beahttit su, sárdnut su sealggabealde dahje baháid su birra, muhto vai mii bealuštit su, sárdnut buriid su birra ja váldit buot buoremus oaivila mielde.
Dát máksá ahte eat galgga muitalit vearreduođaštusaid earáid birra, gilvit ságaid dahje gielistit. Bahás sáhka sáhttá vahágahttit su, geasa guoská. Bahás ságat dávjá sturrot, lea maid váttis daid bissehit go juo vuos leat biddjon johtui. Danin – ale gilvit fuones ságaid earáid birra. Jus háliidat duohtavuođa dovdat muhtun olbmo birra, de jeara sus alddis. Dáinna lágiin čorget eret boasttoipmárdusaid.
Leat go goassege doalahan duohtavuođa vaikko livččet galgan muitalit? Manne son nu? Ballet go bealkkahallamis?
Sisdoalu birra
Dolla addá lieggasa ja čuovgga ja lagasvuođa. Dolla garggista, eallá. Lea dáidu dahkat dola juohkelágan eatnamiin ja dálkkiin. Sámegillii leat iešguđetge sánit mat čilgejit olgodola, dola sturrodaga mielde, boaldinmuora mielde, dollasaji mielde ja máŋgga eará faktorat mearridit dola nama.
Dola birra biddjojuvvojit dábálaččat geađggit, mat galget dola doalahit sajis. Ipmil lea addán álbmogasas geđggiid 10 báhkkomiin. Maid muitalit 10 báhkkoma? Ipmil attii Mosesii báhkkomiid veahkehandihte Israela álbmoga ovttaseallit buriin vugiin.
Dolla addá lieggasa ja šaddá midjiide lunddolaš čoahkkesadjin.
