10. It galgga anistuvvat lagamuččat áhkkái, reŋgii, biigái, šibihiidda dahje ellui dahje masage mii gullá sutnje.
Mii galgat ballat Ipmilis ja ráhkistit su, amamet fillet dahje áitit áhká, reaŋgga, biiggá, šibihiid dahje ealu lagamuččasteamet eret, muhto vai mii rávvet sin bissut su luhtte ja dahkat dan mii lea sin geatnegasvuohta.
Ii leat nu álki dohkkehit ahte nuppis lea eanet go mus. Anistuvvat lea seammá go gáđaštit.
Mo lea olmmoš go lea gáđašteamen nuppi?
Sisdoalu birra
Dolla addá lieggasa ja čuovgga ja lagasvuođa. Dolla garggista, eallá. Lea dáidu dahkat dola juohkelágan eatnamiin ja dálkkiin. Sámegillii leat iešguđetge sánit mat čilgejit olgodola, dola sturrodaga mielde, boaldinmuora mielde, dollasaji mielde ja máŋgga eará faktorat mearridit dola nama.
Dola birra biddjojuvvojit dábálaččat geađggit, mat galget dola doalahit sajis. Ipmil lea addán álbmogasas geđggiid 10 báhkkomiin. Maid muitalit 10 báhkkoma? Ipmil attii Mosesii báhkkomiid veahkehandihte Israela álbmoga ovttaseallit buriin vugiin.
Dolla addá lieggasa ja šaddá midjiide lunddolaš čoahkkesadjin.
