Jesusa sohka
Ipmila dáhttu leai soga fievrredit viidásat. Jesusis maiddái leai gullevašvuohta sohkii ja bearrašii. Biibbalis sáhttit mii guorrat Jesusa soga gitta Abrahama rájes.
Dás geahččat ovtta oasi das Dávveda soga bokte:
Dávvet Dávvet lei gonagas, Israela stuorámus gonagas, ja su sohka gulai Juda suorgái. Su máttarádjá ja máttaráhku namat ledje Boas ja Rut. Ádjá namma fas Obed. Dávveda áhčči, Isai, lei Betlehemas eret ja sus ledje 8 bártni. Daid vieljažiid gaskkas lei Dávvet nuoramus bárdni; váhkar. Dávveda maŋŋil šattai Salomo gonagassan. Son lei Dávveda ja su áhká Batseba bárdni. Dávvet ja Batseba šattaiga maid áddján ja áhkkun ja okta sudno áhkkuba ja áddjuba namma lei Rehabeam, gii šattai gonagassan maŋŋil áhčis Salomoa áiggi. Ja Rehabeama maŋis bođii fas su bárdni, gonagas Abiam . Abiam gii lei okta Dávveda ja Batseba máttaráddjubiin ja máttaráhkkubiin ja geasa Dávvet ja Batseba šattaiga máttaráddján ja máttaráhkkun. Biibbalis sáhttit mii čuovvut Dávveda soga gitta Jesusa riegádeami rádjái.
Sisdoalu birra
Biibbalis muitaluvvo sihke eallima muora ja máhtolašvuođa muora birra. Muorra mas lea máhtolašvuohta sihke buori ja bahá birra. Biibbalis leat máŋgga ášši čilgejuvvon govaiguin. Jesus geavahii árgabeaigovaid čilget iežas birra. Muhtun muitalusas čilge son iežas viidnemuorran, ja mii olbmot leat dan oavssit.
Soahki/lageš/skirri lea muorra mii gávdno juohke sajis min guovllus. Das lea ruohtas, oavssit ja lasttat mat gullet oktii. Sáhttá guhkes, njuolga soagi gávdnat bivvalut báikkiin, muhto maiddái moalkái roaŋkelageža gávnnat biggosis báikkiin Soahki lea duodjeávnnas, boaldinmuorra ja huksenávnnas. Soahki sáhttá govvidit olbmoeallima, das leat oavssit mat olahit viidát, muhto buot oavssit leat šaddan oktasaš ruohttasis. Ruohttasat addet gullevašvuođa ja oadjebasvuođa. Mii leat čadnon ovddeš buolvvaide, iežamet sohkii.
Jesus russiinávlejuvvui. Ruossa lea muoras dahkkon, ja lea šaddan vuoitomearkan danin go Jesus bajásčuožžilii jábmiid luhtte. Ruossa muoras vuođđuduvvo min beastima Jesus Kristusa bokte.
Velg emne:
