Vuoiŋŋastanbáiki

Ipmil sáhttá deaivvadit duinna luonddus ja Bippalis. Ipmil sáhttá deaivvadit duinna go don iežat siste jaskkodat ja go don  rohkadalat. Jurddaš mat muhtin buori beaivvi birra dahje muhtin báikki gos liikot leat: Soaitá vuosttaš geasseluopmobeaivi, čáppa dálki ja don sáhtát dušše leahkit das. Jurddaš ahte Ipmil hálida du das vuoiŋŋastit. Don sáhtát duššefal guldalit maid eallin sárdnu ja maid Ipmil sárdnu dutnje. Ipmil lea ráhkisvuohta ja čábbodat ja buot dat mii lea buorre. Jurddaš ahte don it dárbbaš ráfehuvvat mainna ge. Don vuoiŋŋastat dan ráhkisvuođas mii sivdnidii máilmmi. Go doaladat gollebearrala, de sáhttá dat muittuhit dutnje Ipmila buorrevuođa ja čábbodaga.