Eahpáraš gásttašuvvo
Mus lea ránnjá gean namma lea Nils Ámmá ja mun ieš lean Bávval Niillas.
Moai leimme čuoigame ja guođoheame ealu beaivet. Go veiggodii, de gullui eahpáraš bárggádeame moatte geardde munnuide. Moai suorganeimme. Ovtta iđiđa leimme fas vuolgime meahccái, de válddiime sálbmagirjji ja Áppesa mielde maid nahkeheimme ohci. Das ledje golbma nuorra nieidda geat boagustedje munno go oidne moai válddime sálbmagirjji ja áppesa ohci. Dat lohke munno šaddan ipmilbálolažžan.
Go de eahkeduvai, de álggii eahpáraš bárgut. Moai čuorvvuime dan boahtit oidnosii suhkkes vuovddis. De bođii ja lei oaidnit dego liidnelurvu. Moai jearaime eahpáraččas geat leigga su eadni ja áhčči. Áhčči lei muhtin náitalan olmmoš, ja eadni lei nieida-olmmoš. Moai siđaime eahpáračča mannat iežas vuoiŋŋadanbáikái. Dat jávkkai dohko dan suhkkes vuovdái. Mu ránnjá gásttašii su Juhanassan. De son válddii jeahkála eret geađggis ja bálkestii dohko dan guvlui gosa eahpáraš jávkkái ja vitkai dan. Das maŋŋil dat ii šat gullon.
Sámás: Rávdná Turi Henriksen
Gáldu: Qvigstad, J. (1927-1929): Samiske eventyr og sagn i boka: Samiske beretninger. Pollan, Brita (red.) 2005: Utboren døpes. s. 370. Aschehoug.
