Foto: Magnus Aronson
Rihpaskuvlaáiggis don oaččut ságastallamiid, humademiid ja ipmilbálvalusaid bakte vejolašvuođa jurddahit gii don leat ja masa don oskkut.
Dat guoská oskuáššiide dego gii Jesus lea ja mii čállo Biibbalis. Muhto dat guoská maid vuđolaš olmmošlaš áššiide, ovdamearkan dasa mii lea riekta ja boastut, ustitvuhtii, ráhkisvuhtii, seksii, mii eallima ulbmil lea. Áššit mat bohtet juohkehačča ovdii danin go ii gii ge eale iežas eallima akto.
Rihpaskuvlaáigi loahpahuvvo rihpaskuvlaipmilbálvalusain. Rihpaskuvla lea du gásttašeami duođaštussan. Ipmila čalmmiin juohkehaččas lea árvu. Rihpaskuvla lea vuohki dán duođaštit juste dutnje.
Rihpaskuvla sámiide
Ruoŧa Girku ordne juohke jagi sámi rihpaskuvlla ovttasbargguin Ruoŧa girku Sámiráđiin, Härnösanda ja Lulea bismágottiid Sámi refereansajoavkkuin ja Sáminuorain.
Eanet dieđuid jagi 2012 sámi rihpaskuvlla birra oaččut Birgitta Simmas Lulea bismágottis: : 0920-49 24 58.