Maid dihtet olbmot Oslos sámi biepmu birra?

Maid dihtet olbmot Oslos sámi biepmu birra? – Ávvut Sámi álbmotbeaivvi Geitmyra biebmokulturguovddážis mánáide

Oslos gávdná kebab, sushi, pizza ja thai-biepmu juohke gáhttanurkkis, muhto maid dihtet olbmot Oslos sámi biebmokultuvrra birra? Máŋggakultuvrralaš Norga gávdnui áigá juo, guhká ovdal go maŋimus logijagiid sisafárremiid, muhto sámi biebmokultuvra lea jávkán eará guovlluid eksohtalaš biebmokultuvrraid sisa. Dán vahkkoloahpa sáhttet mánát ja ollesolbmot smáhket sámi biepmuid, gos Geitmyra biebmokulturguovddáš ovttas Riikkaidgaskasaš boazodoalloguovddážiin lágidit Sámi álbmotbeaivvi ávvudeami.

– Sámit dihtet mo ávkkástallat olles bohcco nu ahte sáhttá ráhkadit njálgga, buori ja beaktilis biepmu. Dát lea juoga man birra mii buohkat galggašeimmet oahppat eambbo, lohká Anderas Viestad, fágalaš ovddasvástideaddji Geitmyra biebmokulturguovddážis.

– Sámiin lea sierralágan vierut ja máhttu biepmu ja biebmoávdnasiid birra, lohká direktevra ja boazoeaiggát Anders Oskal Riikkaidgaskasaš boazodoalloguovddážis Guovdageainnus. Guovddážis barget ovttas 24 iešguđet álgoálbmogiiguin, geat barget bohccuiguin davvin. Boazodoalloguovddáža stivrajođiheaddji ja boazoeaiggát Várjjagis, Inger Anita Smuk, čilge: –Dađi bahábut lea dát árbevirolaš máhttu dál amas iige ávkkástallo olggobealde boazodoalloservodagaid, ja dan mii áigut rievdadit.

Lávvardaga guovvamánu 6.beaivvi bovdeba Geitmyra biebmokulturguovddáš ja Riikkaidgaskasaš boazodoalloguovddáš ávvudit Sámi álbmotbeaivvi Geitmyra biebmokulturguovddážis. Doppe beassá smáhket varrabánnogáhkuid, jokŋasuohkada ja bohccobierggu, ja mánát besset maid láibut iežaset gáhkuid, vuollat smávva diŋggaid ja gullat sámi máidnasiid lávus. Riikkaidgaskasaš boazodoalloguovddáš áigu čájehit mo rihttet goruda nu ahte ávkkástallá buot osiid.

Lágideapmi bistá dii. 12 rájes dii. 15 rádjái, ja lea rabas ja nuvttá buohkaide. Dii 13 rájes boahtiba maid Gieldda- ja ođasmahttinministtar Jan Tore Sanner ja Sámedikki ráđđelahttu Ann-Mari Thomassen ávvudeapmái. Preassa lea buresboahtin oasálastit ávvudeamis. Eanet dieđuid oažžu váldimis oktavuođa čuovvovaš olbmuiguin:

-Anders Oskal, direktevra Riikkaidgaskasaš boazodoalloguovddážis, oskal@reindeercentre.org / 99450010, dahje Eivind Løvdal, beaivválaš jođiheaddji Geitmyra biebmokulturguovddážis mánáide, eivind@geitmyra.no / 91680342.