EALLIN: Boazodoallonuorat buktet ovdan garra dieđu árktalaš olgoriikaministeriidda Árktalaš Ráđi

PRESSADIEĐÁHUS ÁRKTALAŠ RÁĐI MINISTTARČOAHKKIMA OKTAVUOĐAS
Cuoŋománu 24.b. 2015: Iqaluit, Kanadas

Boazodoallonuorat ovddidit iežaset beroštumiid rievdamiid ektui árktalaš guovlluin

Boazodoallonuorat buktet ovdan garra dieđu árktalaš olgoriikaministeriidda Árktalaš Ráđi 9.Ministtarčoahkkimis Kanadas

“Midjiide mearkkaša boazu visot. Jos mii massit bohccuid, de mii massit giellamet, kultuvramet, árbedieđuideamet ja máhttuimet mo johttit luonddus”. Oasseváldi EALLIN prošeavtta bargobajis, Johkamohkis 2013.

EALLIN nammasaš prošeakta, mii lea earenoamáš ja mas leat mielde boazodoallonuorat Ruoššas, Suomas, Ruoŧas ja Norggas, lea otne geigen Árktalaš Ráđi Ministtarčoahkkimis Kanadas 120-siidosaš raportta, čoahkkáigeasu ja ávžžuhusaid Árktalaš Ráđđái. Njealji jagi badjel oasálaste badjel 160 álgoálbmoga nuorat iešguđet guovlluin Ruoššas, Mongolias, Suomas, Ruoŧas ja Norggas EALLIN prošeavtta 12 servodatvuđot bargobajiin. EALLIN prošeavtta leat dorjon Norga, Ruošša ja Sámeráđđi. EALLIN prošeakta gáibida beroštumi duođalaš hástalusaide maid nuorra boazovázzit vásihit, nugo mentála dearvvašvuhtii, váilevaš heivvolaš oahpahussii ja váilevaš oasálastimii báikkálaš servodatovdánahttimis.

Boazodoallonuorat leat boazodoalu boahtteáigi, ja dat garra diehtu berošteaddji nuoraid bealis, lei ahte sii háliidedje joatkit boazodoaluin dasgo dat lea “buorre eallin”. Dattege leat máŋga ášši ja hástalusat mat dahket ahte eallin “ii leat nu buorre” juohke guovllus gos boazodoallu gávdno. EALLIN prošeakta čohkkii nuorra táigaguovllu ja duottarguovllu boazovázziid oktii ovddidan dihte sin jienaid Árktalaš Ráđđái.

Davvi sirkumpolára boazodoallonuorat leat ovddemuččas gozihit jođánis rievdamiid mat dáhpáhuvvet árktalaš guovlluin; danin, sin máhttu ja gelbbolašvuohta lea čoavdda sin boahtteáiggi eksistensii sin pastorála ruovttuguovlluin.

“Min álbmogat vásihit dramáhtalaš ja historjjálaš rievdamiid min ruovttuguovlluin, rievdamiid maid mii eat goassige ovdal leat vásihan min davvi boazoálbmogiid duhátjagiid historjjás” dadjá Árktalaš Ráđi EALLIN prošeavtta jođiheaddji, Mikhail Pogodaev, Máilmmi Boazoálbmogiid Searvvi (WRH) jođiheaddji.

“Mii diehtit doarvái ollu rievdamiid birra vai sáhttit bargagoahtit daid ektui”, dadjá Anders Oskal, EALLIN prošeavtta nubbijođiheaddji ja IPCC 5.raportta nubbičállin. “Mii eat dárbbaš eanet árvvoštallamiid vai ipmirdit, nappo mii fertet bargagoahtit eará láhkái dál jos min servodagat ja kultuvrrat galget birget ja ovdánahttot dan ovdáneamis mii dál dáhpáhuvvá árktalaš guovlluin. Ja bargagoahtit eará láhkái leage juste dan maid EALLIN raporta gáibida.

Geigejuvvon Árktalaš Ráđđái: “Nuorat – Boazoálbmogiid boahtteáigi – Čoahkkáigeassu” ja “Nuorat – Boazoálbmogiid boahtteáigi”, Prošeavtta dievasraporta 120 siiddu.

Rapportaid gávdnojit eallin.org siiddus

OKTAVUOĐADIEĐUT:

Nuorra oasálastit

Alona Gerasimova (Gielat: Ruošša, Eaŋgalas, Evenki) + 7 931 383 30 91

Svetlana Avelova, (Gielat: Ruošša, Eaŋgalas, Evenki) +7 9627397877

Helena Omma (Gielat: Sámi, Ruoŧa, Eaŋgalas) +46 702863891

Anne-Maria Magga (Gielat: Sámi, Suoma, Eaŋgalas) +358 45 6339303

Iqaluitas, Kanadas Ministtarčoahkkimis, Cuoŋománu 24.b.-25.b.:

Jođiheaddji Mikhail Pogodaev, Máilmmi Boazoálbmogiid Searvi – WRH (Fásta observatevra Árktalaš Ráđđái jagi 2000 rájes): pogodaevm@reindeercentre.org , +7 911 916 97 80

Direktora Anders Oskal, Riikkaidgaskasaš Boazodoalloguovddáš – ICR (Vuođđuduvvon Norgga ráđđehusa bealis 2005 Árktalaš Ráđi ávžžuhusaid vuođul): oskal@reindeercentre.org , +47 99450010.

Guovdageainnus:

Professor Svein D Mathiesen, Árktalaš Universitehta EALÁT Instituhtta (Virtuála duktan- ja oahpahusinstituhtta; ovddasvástideaddji álgoálbmogiid nuoraid oahpahusprográmmas “Hárjehallat boahtteáigge árktalaš jođiheddjiid”): svein.d.mathiesen@reindeercentre.org, +47 90524116.