Dutkansearvi

Sámegiela ja –kultuvrra dutkansearvi, mii lea vuosttas sámegielat dutkansearvi máilmmis, vuođđuduvvui 15.6.2014 Helssegis.

Searvvi dárkkuhus

Searvvi dárkkuhussan leat:

1. Gáhttet sámegiela ja -kultuvrra dutkamuša ja ovddidit dan paradigmma dovddusin dahkama álmmotlaččat ja álbmogiidgaskaččat.
2. Dahkat dakkár dutkamuša, mii konstruere dutkanvullosaččaid ja dutkiid gaskasaš dásseárvosaš vuorrováikkuhusa, ja maiddái viggat lasihit ipmárdusa sámekultuvrra ja eará kultuvrraid gaskkas.
3. Lasihit dieđu ja diđolašvuođa unnitlogu ja álgoálbmogiid gielaid ja kultuvrraid birra.
4. Ovddidit sámegiela gievrudeami ja máhcaheami viidát oba Suomas.
5. Ovddidit sámegielat giella- ja kultuvrabirrasiid, mat ovddidit sámegiela seailluheami
   oba riikkas.
6. Lasihit sámegiela geavaheami ja máhcahit giela geavahussii doppe, gos
   dan geavahus sierralágan giellageavaheami oktavuođain lea jávkan dahje geahppánan.
7. Gievrudit guovtte- ja máŋggagielalašvuođa ovddidemiin dakkár sámegielmáhtu,
   mainna sáhttá birgehallat badjelrájálaš oktavuođain ja ain eanet máŋggagielalažžan šaddi
   servodagain.

Searvvi doaibmaprinsihpat ja giela ealáskahttimii ja kultuvrii gullevaš doaimmat eai vuođđuduva etnihkalašvuhtii, muhto doaibma vuođđuduvvá dieđalaš doibmii ja erenoamážit gillii ja dan ealáskahttimii sierra konteavsttain sihke ovttaska olbmo ja joavkku dahje giellaservoša dásis.