Odne Ánná Káisá oaččui hástalusa: lávgodit, jos ii fertii oastit irgásis feara nu ain. De fertii gal dušše Sognsjávrái lávgodeažži. Muhto mo galggai duođaštit ahte lei lávgodan? Na. Giinu fertii mielde filbmet dan. De válddii biepmu fárrui ja vulggii Helge lusa hástalit su mielde. Nie álggii munno mátki Čáhppesluobbalii. Vuos boraime bohccobierggu ja jugisteimme binnáš káfe, de válddiime sihkaldagaid fárrui ja vázzáime.

Helge ságástii telefuvnnas olles mátkki dohko. Ánná Káisá govvii iežáriid. Ii goabbá ge dovdan gálmma biekka boahtimin dávvin.

Mátki lei mearehis guhkki. Helge villii Ánná Káisá soames meahci čáđa ohcat buori jávrri. Maŋemussii gávnnaime unna fiidna luohppala. Ánná Káisá deaddilii stuorjuolgečuvddi čáhcái, ja amadadju šattai alihin gálbmasis. Helge dovddai leasmmi sakŋiheamin lađđasiin. De ii lean go noaladit ja haskat čáhcái.

Čáhcelottit bohte vuojá iskat leažžá go biebmu oažžumis, ja guolasteaddjit gáife munnuide suhttan čalmmiiguin (moai baldaleimme eret visot guolit). De ii lean go ohcat ovttos telefuvnna ja rahpat SnapChata – ii gal leat dáhpáhuvvan jus ii leat neahtas.

Álggus iskkaime čáhcetemperatuvrra. Sullii -5ºC. Olbmot SnapChatas várreje munno ahte šattaime gálbmot jámás, muhto moai gal letne ALBMA SÁPMELAČČAT! Ean han bala gálbmasis!

Dieđusge vertiime vuorrolaga lávgodit, vai nubbi beasai filbmet. Ánná Káisá lei vuosttážin čáhcái. Son huikkii nu ahte Helge balai ahte son lei borahallon hávgii. (Ieš čuoččuhii ahte son njalkkistii, muhto leaš go jur dát duohta? Árvideamis son dušše lea stuorra njoammilhiitta.)

De Ánná Káisá cokkai ullosisbuvssaid ja manai oastit sjokolade. Čiegusvuohta min lohkkiide: Helge vájálduhtii molsunbiktasiid ja váccii sisbuvssaid haga ruoktut. (Sus ledje dieđusge buvssat badjelis de, muhto šurai OLLES mátkki ahte balai daid gahččat bađa vuollái).

De hástaletne visot min lohkkiid ja sámediggepresideantta haskat čáhcái! Aili, sáddes midjiide videoa de bidje bloggii!

Dearvvuođat
– Ánná Káisá ja Helge