Bures! Mon oainnán ahte nuppit bloggaolbmot dáppe leat čállimin veahá iežas birra, nu ahte dalle mon suige nai verten! Mu namma lea Ánná Káisá, mon lean guoktelogi jagi boaris ja boađán Skániin ja Sohpparis.

Ja dá lea govva mus:

Muhto dál orun leamen ná:

Mon liikon čállit, mon liikon sámegillii, mon liikon goarrut ja čuojahit ja borrat ja viehkat ja geahččat imáras elibiid youtubas.

Mon orun viskes huotnahis mas lea ruona muvra. Mon dieđan, hui trendy. Mon lean giellaambassadevra. Ja dieđusge, rap-kjendis:

Muđui mon liikon bannegáhkuide, beatnagiidda, gáccamála, ruksesivnni ja šnjirrešnjeraid. Mon in liiko: lieksi, rigeari, hoahppu (Muhto lihkka mon álo hoahpuhasttán, go lean álo maŋiduvvon (https://samasblogg.wordpress.com/2014/04/08/diibmu-illun-ja-noaddin/)) Jos imástalat man nu mu birra, jeara! Liikon ságastit iežan birra. Ja de muittuhan vel ahte mis lea dán ja boahtte mánu fádda “geassi 2014”, ja mon ávžžuhan din sáddet sisa midjiide din geassemuittuid. Čallus álmmuhuvvo bloggii, ja visot čállit ožžot Sámás muinna-gáhpira. Nu aht dál ehpet šat ástá lohkat mu birra, čálligohtet! (På norsk: Jeg er Ánná Káisá og skal skrive litt på bloggen fremover. Husk å sende inn sommerminnene dine til oss!)