Mii leat bivdán min lohkkiid sáddet midjiide čállosiid fáttáin “geassi 2014”. Olu giitu didjiide geat lehpet midjiide sádden geassemuittuid! Sáddestehket fal sisa midjiide din muittuid ja vásahusaid, de mii sáddet dutnje Sámásmuinna-gáhpira. Muhto muitet val ahte beasat čállit juste man birra ieš siidat, dát fáddá lea beare movttidahttindihte ja vai fuobmat man birra čállit. Mii leat giitevaččat visot čállosiid ovttas!

Dá leat muhtun čállosat mat leat miidjiide sáddejuvvon davvisámegillii.

Sárá Máret, fárgga 9 jagi, lea sádden midjiide su geassemuitalusa:
Dán geasi lean leamaš Altaturneringas čiekčamin. Čiekcat lei somá ja finaimet maiddái bowlemin. Doppe vuittiimet ja ožžon vuoittu ja diploma. Illudan fas Altaturneringii boahtte geasi.

Daniel, 13 jagi, lea sádden midjiide su geassemuittu:
Mun ledjen Lufuohtas iežan váhnemiid heajain ja mátkkis vel doppe. Doppe lei erenoamaš fiinna luondu.

Sárá Iŋgá, 7 jagi, muitalá ná iežas geasi birra:
Mun lean leamaš luomus Lufuohtas etniin, áhčiin ja vieljain. Goaskiristeadni náitalii doppe. Ja de idjadeimmet doppe tealttás, fiinna sáttogátti láhka. Doppe mii, mun, Sárá Máret ja Kátjá, gálašeimmet eahkedis, ja lei somá. Go leimmet Ruŧŧii vuoddján go gearggaimet Lufuohtas, de fuomášeimmet fállá nuoris. Dalle mii bisáneimmet geahččat fállá ja fállás lei vel vuogga čielggis. Fállá lei somá geahččat go lei nu láhka min, mun govvidin ja filbmejin fállá iezan govvidanapparáhtain. Filmmaid mun čájehin oahpaheaddjái ja skihpáriidda go skuvla fas álggii.

Fállá

4 jahkásaš Johán Dávvet muitalá (eadni lea čállinveahkkin leamaš):
Mun lean leamaš áhčiin davvin Gávuonas misiid mearkumin. Gárddi lusa áhčči vujii nealljejuvllagiin ja mii čohkkáimet goallosvovnnas. Áhčči vevddai muohttagii (jasas), dalle fertiimet vázzit. Gárddi luhtte áhčči, eadni, oabbá, áddjá ja eará olbmot ledje. Doppe mun stohken Ántiin ja duhpon unna miesáziid. Doppe gal lei somá!  ________________________________________________________________________
Olu giitu čállosiid ovttas, dál dii ožžobehtet gáhpiriid boastta mielde. Sáddestehket sisa midjiide čállosiid, man birra hálideažžat, guhkit dege oanehaččat, duođat dege dievas sci-fi. Mii háliidit beare ahte DON galggat čállit sámegillii!

– Ánná Káisá