Ráves olmmožin, dat mearkkaša jus leat deavdán 18 jagi, don oaččut buohccedivššu ja bátnedivššu man it sáhte vuordit. Dat guoská maid etniiddearvvašvuođadivššu, divššu abortta oktavuođas ja eastadanávnnasrávvema.
Galledeamis dearvvašvuođaguovddášdoaktáris ja doavtterdivššus mii addojuvvo sáddehaga vuođul don galggat máksit 50 ruvnna. Galledeapmái sáddehaga vuođul, earágo doavtterdikšui don mávssát 25 ruvnna. Dat sáhttá leat galledeapmi kuratora luhtte.
Don sáhtát válljet galledeami dearvvašvuođaguovddážis dehe rabas spesialistadivššus man eanadikkis fal Ruoŧas. Jus leat dorvobáikeohcci dus ferte leat sáddehat jus doppe gos ozat divššu lea dakkár gáibádus.
Dikšun bátnedoaktáris albmot-bátnedivššus máksá 50 ruvnna.
Reseaptadálkasiin don mávssát 50 ruvnna, ja jus dárbbahat buohccereaissu máksu leat eanemus 40 ruvnna. Jus reaisu lea eará eanadiggái mávssát dan maid dat máksá.
Eastadeaddji mánná- ja etniiddikšun, dikšun áhpehisvuođas ja riegádahttimis lea nuvttá. Jus dus lea njoammudávda ja dárbbahat njoammunsuodjedivššu dat lea maid nuvttá.
Go don dorvobáikeohccin ozat buohccedivššu galggat čájehit goartta man Migrationsverket juohká, nu gohčoduvvon LMÁ-goartta. LMA mearkkaša lága dorvobáikeohcci vuostáváldimis ja goarta lea gaskaboddosaš persovdnaduođaštus mii lea vuoimmis dan áigge go ozat dorvobáikki.
