Dikšundáhkádus
Vårdgaranti

Jus fállojuvvo galledeapmi dehe dikšun, mii ii sáhtto addit dikšundáhkádusa áigeráji siste, galgá fállojuvvot dikšun soames eará dikšunovttadagas. Dat sáhttá leahkit dearvvasvuođaguovddážis, buohcciviesus dehe dihti priváhta vuostáváldimiin. Olmmoš sáhttá ieš buktit ovdan doaivaga gosa son háliida boahtit, muhto jus dikšundáhkádus galgá leat vuoimmis ii sáhte válljet friddja. Jus ii hálit oažžut divššu soames eará sajis go doppe gosa lea ohcan sáhttá luohpat dikšundáhkádusfálaldagas. Dat sáhttá mearkkašit ahte oažžu vuordit guhkibu. Jus maŋŋil gáhtá sáhttá álo váldit oktavuođa iežas dikšuaddiin. Dikšundáhkádus lea vuoimmis dan beaivvi rájis.

Dikšundáhkádus mearkkaša ahte ovttaskas galgá oažžut divššu dihto áigge siste. Dat lea okta lágas mearriduvvon oassi dearvvasvuođa –ja buohccidivššulagas. Dikšundáhkádus almmuha maid áigerájiid siste eanandiggi dehe guovlu galgá fállat ovttaskassii dikšuma. Dan sadjái dikšundáhkádus ii mudde galgágo diksun addot ja makkár divššu galgá oažžut.

Dikšundáhkádus ii guoskkat fáhkka dikšuma. Jus fáhkkestaga skihppá dehe roasmmohuvvá galgá oažžut divššu nu jođánit go vejolaš.

Dikšundáhkádus guoská beare dan eanadikkis dehe guovllus gos lea sisa-čállojuvvon. Jus vállje jorgasit olggobeallái ruovttueanadikki ii leat dáhkiduvvon ahte oažžu divššu dihto áigemeari siste.

Dikšundáhkádusa jelgii ovttaskasas lea riekti :

• 0 - Oktavuođa váldin ovdadikšumiin seamma beaivvi
  Seamma beaivvi go ohcá veahki galgá oažžut oktavuođa ovdadivššuin, ovdamearkka dihte dearvvašvuođaguovddážiin dehe buohccidikšunrávvagiin. Dat sáhttá dáhpáhuvvat telefovnna dehe galledeami bakte.
• 7 - Doavttergalledeapmi ovdadivššus čieža beaivvi siste
  Jus dikšunveahka árvvoštallá ahte ovttaskas dárbbaha deaivat doaktára galgá oažžut áiggi čieža beaivvi siste, ovdamearkka dihte dearvvašvuođaguovddážis dehe veahkadoaktáris.
• 90 - Galledeapmi spesialiserejuvvon divššus 90 beaivvi siste
  Jus oažžu sáddehusa spesialiserejuvvon dikšui galgá oažžut galledeami 90 beaivvi siste. Dat lea vuoimmis maid vaikko lea ohcan dikšui sáddahusahaga.
• 90 - Dikšun álggahuvvon 90 beaivvi siste
  Dikšunmearrádusa maŋŋel, ovdamearkka dihte čuohpadeami, ovttaskas galgá oažžut áiggi 90 beaivvi siste.

Dikšundáhkádus ii guoskka

• ođđa galledeami
• jus medisiinnalaš sivaid geažil ferte vuordit guhkit go dáhkádusa áigerájit
• medisiinnalaš bálvalusa, ovdamearkka dihte laboratoria - ja röntgendutkama
• dutkamušaid ja dutkamiid
• veahkeneavvofuolaheami, spiehkastat lea gullurusttegiid geahččaleapmi
• jus ii váldde vuostá dikšunfálaldaga eará dikšunovttadagas (jus maŋŋil muhttá miela sáhttá váldit vuostá fálaldaga)
• jus válljet ohcat divššu soames eará eanadikki dearvvašvuođaguovddážis dehe vuostáváldimis go gos lea sisa-čállojuvvon.

Dikšundáhkádus ii mudde galggatgo oažžut divššu, man divššu galggat oažžut dehe man guhkes áiggi dutkan oažžu váldit.

Gávdno našuvnnalaš webbabáiki dikšundáhkádusa ja vuordináiggiid čuovvumii, Vantetider.se. Webbabáiki čájeha vuordináigedili buot eanadikkiin ja guovlluin.