Álgoálbmogiid Ovdánahttinforum ja álgoálbmotáššiid berošteaddjit Iwgia nammasaš ásahusas lágidit konferánssa. Dát lágiduvvo guokte vahku maŋŋel go Sustainable Development Goals leat dohkkehuvvon ON:as. Københámmánis galget digáštallat mot lea dilli dál ja mot boahtteáiggi strategiiat galggaše leat dán dáfus.

Konfránssas lea viiddis prográmma.

Digáštallankonferánsa čohkke oasseváldiid viidát. Ovttastáhttojuvvon Nášuvnnain lea viiddis vuogádat álgoálbmotáššiid dáfus, ja doppe bohtet ge ovddasteaddjit máŋga iešguđetge osiin. EU, dánska eiseváldit, akademihkkalaš fágabargit, organisašuvnnat ja eaktodáhtolaš organisašvunnat maiddái servet. Dasa lassin dieđusge servet álgoálbmogat miehtá máilmmi.

Laila Susanne Vars galgá logaldallat fáttás mot sápmelaččat sáhtáše dáid dohkkehuvvon mihtuid atnit ávkin go deaivvadit eiseválddiiguin.