Mánnodaga cuoŋománu 25.beaivvi 2016 almmuhii Mánáid- dásseárvo- ja searvadahttindepartemeanta ON konvenšuvnna doaimmashehttejuvvon olbmuid vuoigatvuođaid birra sámegiel jorgalusa.

Norga ratifiserii ON konvenšuvnna doaimmashehttejuvvon olbmuid vuoigatvuođaid birra 2013:s. Go stáhta ratifisere konvenšuvnna, de geatnegahttá iežas čuovvut konvenšuvnna ja heiveha iežas láhkaaddima ja doaimmaid dán konvenšuvnna njuolggadusaide. ON komitéa doaimmashehttejuvvon olbmuid vuoigatvuođaid birra bearráigeahččá ahte stáhtat čuvvot konvenšuvnna gáibádusaid. Norga lea 2015:s sádden sisa iežas vuosttaš raportta komitèai mas muitala iežas barggu birra, ja 2016 geasi galgá komitéa árvvoštallat movt Norga čuovvu konvenšuvnna gáibádusaid.

Eambbo dieđuid konvenšuvnna birra gávnnat ráđđehusa ruovttusiidduin ja FN sambandet siidduin.

ON siidu ON komitéa doaimmashehttejuvvon olbmuid vuoigatvuođaid birra (eŋgelas siiddut)