Pronomenat
Sámegillii | På norsk | In English
Pronomenat leat sánit mat čužžot substantiivvaid sajis nu ahte ii dárbbaš geardduhit substantiivva. Muhtun pronomenat sáhttet leat substantiivva ovddabealde. Eanaš pronomeniid sojahit ovttaidlogus ja máŋggaidlogus, ja buot kásusiid mielde. Pronomenat leat máŋgga láganat:
Persovdnapronomenat, mat čujuhit substantiivii dahje olbmui gii lea áiddo namuhuvvon dahje gii lea mielde ságastallamis, omd.: 'mun' 'du' 'singuin' 'dasa'
Čujuheaddji pronomenat, maid geavaha go čujuha juoga masa maid oaidná dahje lea ipmirduvvon konteavsttas, omd.: 'dát' 'dien' 'duos'
Gažaldat- ja relatiivapronomenat, mainna álggaha gažaldaga dahje relatiivva oalgecealkaga, omd.: 'mii' 'guhte' 'geainna'
Refleksiiva pronomen, mii čujuha cealkaga subjektii, omd.: 'ieš' 'alccesan' 'iežas'
Resiprohka pronomenat, main leat guokte sáni, omd.: 'goabbat guoimmáde' 'nubbi nuppiin'
Eahpemearálaš pronomenat, mat eai čujut dihto persovnnaide eaige áđaide konteavsttas, omd.: 'buohkaide' 'muhtun' 'juohke'
Don sáhtát coahkkalit pronomenšlájaid jus háliidat oahppat eanet.
Ruovttoluotta grammatihka váldosiidui.