Sahka
Sámegillii | På norsk | In English | Suomeksi | På svenska
Sahka lea interaktiivvalaš ságastallan. Oahppi beassá ságastallat dihtoriin. Ulbmil lea hárjehallat vearbasojaheami, kasusgeavaheami ja nannet sátnevuorkká, ja dan dihte ferte vástidit olles cealkagiin, ja dábálaččat geavahit seammá vearbba go jearaldagas, omd.
- Jugat go gáfe? - Gal mun jugan. / In juga.
Dávjá leat rabas jearaldagat. Vejolaččat lea sátnelistu (omd. borramušmenya dahje tevnnet). Eará jearaldagaide sáhttá vástidit maid beare, muhto ferte geavahit rivttes kasusa. Omd.
- Masa don liikot buoremusat? - Liikon lákcagáhkkui/njálgáide/...
Prográmma fuomášuhttá vuosttažettiin muhtun dábálaš giellameattáhusaid, muhto ii juohke meattáhusa.
Ságastallamat leat:
- Oahpásmuvvan Kárii (dábálaš jearaldagat persovnnalaš áššiin).
- Guossis (Dás beassá geavahit duála ("moai") ja maid hárjehallat lokatiivva ja illatiivva. Loahpas lea maid akkusatiiva.)
- Borramušgávppis (Hárjehallat akkusatiivva.)
- Veardideapmi rámbuvrris (Adjektiivvaid kompareren.)