Vasta
Sámegillii | På norsk | In English | Suomeksi | På svenska
Vasta-prográmmas galgá vástidit jearaldagaide mat bohtet soaittáhagas. Ulbmil lea hárjehallat vearbasojaheami ja kásusgeavaheami. Prográmma dohkkeha eanet vástádusaid, ja kommentere erenoamážit meattáhusaid vearbasojaheamis ja kásusgeavaheamis.
Prográmma gáibida ahte vástida olles cealkagiin (galgá leat finihtta vearba), ja jus prográmma jearrá "mii"-pronomeniin, de don galggat vástidit "dii"-pronomeniin. Seammáládje "moai" ja "doai" - vaikko lunddolaš ságastallamis sáhtášit dulkot earáládje. Sivva lea ahte mii háliidit ahte geavaheaddjit fertejit hárjehallat buot persovdnasojahemiid.
Leat guokte versuvnna, Vasta-S ja Vasta-F:
Vasta-S: Don oaččut muhtun sániid maid galggat geavahit vástádusas. Alit sániid fertet sojahit. Don sáhtát válljet galle alit sáni don háliidat. Prográmmas leat dát dásit:
- Dássi 1: Dušše preseansa ja álkes kásusgeavaheapmi.
- Dásit 1-2: Jearaldagat maiddái preterihtas, cealkagat main leat máŋga vearbba ja cealkalahtut main leat logut ja čujuheaddji pronomenat.
Vasta-F: Sáhttá ieš mearridit vástádusa. Prográmmas leat dát dásit:
- Dássi 1: Dušše preseansa ja álkes kásusgeavaheapmi, eanaš ovttaidlogus.
- Dásit 1-2: Vearbbat maid preterihtas, eanet kásusat máŋggaidlogus ja dasa lassin vearbbat mat gáibidit dihto kásusa.
- Dásit 1-3: Lohkosánit sojahuvvon kásusiid mielde, čoahkkelogut, vearbbat konditionalis.
Sáddes áinnas kommentáraid prográmmii midjiide: (oahpa@uit.no).