#http://web.archive.org/web/20141012063917/http://klemetti.blogspot.fi/2012_11_11_archive.html

PERJANTAI 16. MARRASKUUTA 2012

Sápmelaččaid vuoigatvuođat dorvvastuvvojit suohkanođastusas

Stáhtaráđđi dohkkehii ikte láhkaevttohusa suohkanráhkadadusođastusas sáddejuvvot cealkima várás. Cealkináigi evttojussii lea 7.3. rádjái. Cealkináigi lea dál dárbahassii ja maiddái sámedikki čoakkán háhppeha boahtte jagi vuosttaš čoakkámis gieđahallat cealkámuša.

Stáhtaráđi dieđáhusa vuođul suohkanráhkadusođastusevttohus lea buorránan. Evttohusa mielde sierra kritearaid dievvamma mielde suohkanat galge álggahit čielggadanbarggu suohkanlihtuid ráhkadeami várás, muhto čielggadeamis lea vejolaš spiehkastit mearriduvvon kritearaid vuođul (spiehkastanákkat). Vel álgočavčča lágas lei ulbmilin váldit oktan spiehkastanággan dušše gielalaš vuoigatvuođaid dorvvasteami. Sámediggi lea iežas cealkámušain ja systemáhtalaččat deaivvadettiinis sierra ministariid ja eiseválddiid gáibidan oktan spiehkastanággan sápmelaččaid gielalaš ja kultuvrralaš vuoigatvuođaid dorvvasteami. Maŋimus ságastalaimet áššis vuoigatvuohtaministtar Henrikssoniin. Sámedikki bargu lea buktán bohtosa. Stáhtaráđi dieđáhusa mielde suohkanat sáhtále ohcat spiehkastaga ruhtaministariijas bálvalusaid gáibidan olmmošmeari čielggadanákkas earret eará hárvves orruma sihke sápmelaččaid gielalaš ja kultuvrralaš vuoigatvuođaid dorvvasteamai vuođul.

Orru leame nu, ahte suohkaniid bággolihttodeamit eai šatta sámiid ruovttuguovllus – na jos ođđa suohkanstivrrat eai hálit ovttastahttit sámiid ruovttuguovllu suohkaniid. Stáhtaráđi ođđa linnjen lea helpen sámediggái ja ovddemusat duođaštus das, ahte beroštumiid bearráigeahččamis sáhttá oažžut áigái oluge.

Ledjen ikte riikkabeivviid čuvgehusválljagotti gullandilálašvuođas Unesco immateriála kulturárbbi suodjalansoahpamuša ratifiseremis. Mu gullandilálašvuođas doallan sáhka ja maiddái muittuhančála lea sámedikki ruovttusiidduin.

Helssegis 16.11.2012

Juvvá Lemet



Klemetti Näkkäläjärvi