Aktivitehtat Bállas-Ylläsduoddara álbmotmeahcis

Návddaš Eurohpá ráidnaseamos duottaráimmus buot lágiin. Gicco muorahis alážiidda. Lihkat ja vuoiŋŋas dađi mielde maid du gorut juste dál dárbbaša.

Čuoigan

Álbmotmeahci duottarduovdagat leat dego sivdniduvvon meahccečuoigamii. Ovnnes- Bállas- ja Ylläsduoddariid guovllus leat merkejuvvon čuoigangeinnodagat oktiibuot sullii 500 km. Oassi láhtuin lea meahccelahtut, maid vuođđun leat dušše fuolahusmohtorgielkkáid mađit. Álbmotmeahci čáppa duoddarat heivejit lahtohis tuvračuoigamiige.

Vánddardeapmi

Vánddardangeinnodagain bivnnuheamos lea jagi 1934 ásahuvvon Heahttá-Bállas-geinnodat (55 km), mii lea šaddan vánddardanmáilmmi klassihkkár. Duottar-Lappi johtolat ovttasta álbmotmeahci birrasa gilážiid ja turistaguovddážiid oktan geinnodagaide, main sáhttá johtit iešráđálaččat, muhto maid ovttasbargofitnodatdolliid bálvalusaid vehkiin.

Beaivevázzintuvrraide leat fállun merkejuvvon geinnodagat oktiibuot sullii 350 km. Álbmotmeahci luonddubálgát lea dávjá álkit johtit ja doppe oahpásnuvat duottarguovllu lundui.

Meahccesihkkelastin

Duottar-Lappi mátki- geinnodat lea mielddisbuktán ahte meahccesihkkelastin lea šaddan vuogas vuohki mannat tuvrrain. Birra jándora lea čuovgat, leat fiinna duovdagat ja guhkes máŋgga dási geinnodagat dáhkidit vásáhusa, man it vajálduhte.

Eará aktivitehtat

• Geočiegat: Bállás–Ylläsduoddariid guovllus leat máŋggat geočiegat.
• Guolásteapmi: Álbmotmeahci guovllus sáhttá guolástit máŋggain čázádagain. Oahpásnuva vuos guolástannjuolggadusaide (julkaisut.metsa.fi).
• Lottiid dárkun: Duottar-Lappis leat gironiid, bihčosiid, láfoliid, állahiid ja háskiliid ruovttueatnamiin.
• Luondduguovddážat: Bállásduoddara luondduguovddáš, Duottar-Lappi luondduguovddáš ja Ylläsduoddara luondduguovddáš Kellokas fállet čiekŋudeaddji vásáhusaid duottarráiddu luonddu, kultuvrrain, árgabeaivvis ja historjás. Luondduguovddážiin gávnnat luonddugávppiid, lobiid, čájáhusaid ja ofelastima.
• Luonddubálgát: Vahkku ii leat doarvái álbmotmeahci buot 18 luonddubálgás johtimii. Deike lea bággu máhccat! Loga lasi
• Murjen ja guobbariid čoaggin: Hárve sarrenbáikkis sáhttá murjet njuolggočilggiin, nu movt duottarvielttis. Vilttiid jekkiin sáhttá lubmet váccašeami oktavuođas. Guoppareatnamiin šaddat gilvvohallat dušše bohccuiguin.
• Meallun ja suhkan: Durdnos-Muonájohka, nappo Fávli ja Ovnnesjohka leat leamaš Duottar-Lappi váldogeainnut, main dáid áiggiid návddašit sihke guolásteaddjit ja meallut ja nu maid fatnasiin johtaleaddjit.
• Oaidnámušat ja čáppa duovdagat: Gos vel livččii čábbásut duovdagat go álbmotduovdagiid Duottar-Lappis?
• Dáhpáhusat: Fállun luonddudiehtu, čájáhusat, kultuvra ja tuvrrat.
• Vuojadeapmi: Duottarjávrrit fállet earenoamáš vásáhusaid geasset ja rudnit ges dálvet.
• Eaktodáhtolaš doaibma: Stuorra álbmotmeahcci dárbbaša jámma fuolaheaddji gieđaid. Searvva mielde eaktodáhtolašdoaimmaide stobuin, geinnodagain ja duoddaris