Aktivitehtat Urho Kekkonen álbmotmeahcis

Boađe návddašit duottarstobuid ráfis ja nohkameahttumiidda joatkkašuvvi duottarguovllus. Meahcceguovllu dovddu sáhttá vásihit sihke guhkes vánddardanmátkkiin meahci viiddis meahcceguovlluin ja nu maiddái váccedettiin ja čuoigamiin áibbas Suoločielggi bálddas beaivetuvraguovllus. Álbmotmeahcci juohkása beaivetuvrraide oaivvilduvvon vuođđooassái ja meahccetuvrraide heivvolaš Suoločielggi, Giema-Sombbaha ja Nuortti meahcceguovlluid oassái.

Ama fuomášat ahte Paju-, Repo- ja Lamminaava ráddjenosiin lea johtaleapmi gildojuvvon lottiid bessenáigge 15.5. - 15.7.

Vánddardeapmi

Urho Kekkonen álbmotmeahci viiddis meahcceguovllu osiid beassá vásihit dálvet čuoigga, bievla eatnama áigge vácci. Vánddardeapmi merkejuvvon máđijaid olggobealde gáibida tuvrahaččas meahcce- ja orienterendáidduid, ja lassehástalusa buktá dálvevánddardeapmi obbasis. Kárta ja kompássa leat guovllus vealtameahttumat, daningo dušše GPS-rusttet ii leat doarvái meahcis. Idjasaji vánddardeaddji oažžu meahci máŋgga ávdin- ja várrenstobuin, doppe gávdnojit boaldinmuorat ja dat leat beaivemátkkis geahčen nubbi nuppis.

Vaikke johtolagat eai leat merkejuvvon eatnamii, meahci guovlluide leat šaddan johtolat luottat. Dat leat guovlluin, mat lea gaskadási gáibideaddjit. Okta bivnnuheamos merkekeahtes johtolagain lea Gilonanoaivi – Šuomaruoktu – Borgaskurču – Luirujávri – Lággojávri – Gilonanoaivi –máđidja (70–80 km).

Čuoigan

Suoločielggi, Gilonanoaivvi ja Kakslauttasa lahkosis čuoigi beassá beaivetuvrrain olggos fuolahuvvon láhttofierpmádagain. Fuolahuvvon lahttut leat guovllus 200 km:a guhkkosaš mátkkis, main 70 km lea Urho Kekkonen álbmotmeahcis. Lahtuid mearri molsašuvvá muohtadili mielde – lahttofierpmádat lea viidáseamos giđđadálvet, go muohta lea eanemus.

Fállun leat iešguđetge dásis gáibideaddji lahtut sihke sotnabeaivve- sihke garra čuigiide. Eanasoassi láhtuin heive sihke árbevirolaš čuoiganvuohkái sihke luistenčuoigamii. Láhtuid guorain leat niestebottu váste várrenstobut ja fiellogoađit, doppe leat boaldinmuorat .

Vánddardeapmi

Urho Kekkonen álbmotmeahci luonddu sáhttá návddašit johtimiin merkejuvvon johtolagaid mielde. Suoločielggi ja Kakslauttanen lahkosiin leat beaivetuvrraide heivvolaš merkejuvvon vázzinjohtolat (200 km), main 80 km lea Urho Kekkonen álbmotmeahci vuođđooasis. Váccedettiin sáhttá bisánit ja bosihit beaivestobuin ja fiellolávuin, doppe gávdnojit maid boaldinmuorat. Johtolagat leat gáibideaddjivuođa dáfus iešguđetge dásis. Buot ahkásaččaide- ja álšasaš olbmuide heivvolaš luonddubálgás (1-7 km) tuvrralačča oahpistit info-távvalat, mat muitalit báikkálaš luonddus ja kultuvrras. Luonddubálgát leat Suoločielggi, Gilonanoaivvi ja Koilliskaira luondduguovddáš guoras. Dálvet luonddubálgáin sáhttá vánddardit muohtagápmagiiguin,

Merkejuvvon máŋgga beaivvi vázzimii heivvolaš johtolagat leat Bealljeduoddara guvlui manni Giemasuorgi–Bealljeduottarmološ –vánddardanmáđidja (18 km ovtta guovlui), Nuortta vánddardanmađidja (40 km gierdu) manna Nuorttajoga kanjoja guora ja historjjálaš Finnmárrkubálggis (35 km ovtta guvlui), mii manná lulit oasis Sombbat luonddumeahci čađa. Johtolagaid guorain gávdnojit ávdinstobut, fiellolávut ja dollasajit. Johtolagat lea hástaleaddjivuođa dáfus iešguđetge dásis: Giemasuorgi–Bealljeduottarmološ –vánddardanmáđidja lea gaskadási hástaleaddji, Nuortti máđidja ja Finnmárkkubálggis hui hástaleaddji.

Eará aktivitehtat

• Guolásteapmi:
  • Dolgevuokkain leana guoski dolgevuoggalobiin sihke oaggun ja rudneoaggun lea lobálaš jaskes čáziin nugo jávrriin ja ládduin.
  • Golgi ádjagiin ja jogain gáibiduvvo Meahciráđđehusa lustabivdolohpi (www.eraluvat.fi).
  • Báikkálaččain lea viidát guolástanvuoigatvuođat.
• Lottiid geahčadeapmi: Álbmotmeahcis sáhttá oaidnit ovdm. goaskima, guovssaha, rievssaha dahje bihčosa. Dávgevári luonddubálgáid guorain leat guokte várdándoardna.
• Luondduguovddáš: Nuortabeali Luondduguovddážis Dávgeváris, Suoločielggi bálvalanbáiki Kiehinenis ja Suovvaguoikka oahpistanguovddáš Bealljeduoddaris oaččut dieđu álbmotmeahcis. Jearat mis tuvracavgilemiid, daga várremiid várren- ja láigohanstobuide ja oastte guolástan-, meahcástan- ja meahccevuodjinlobiid. Bissovaš ja molsašuddi čájáhusat, AV-čájáhusat, gávpi.
• Murjen ja guobbariid čoaggin: Álbmotmeahcis sáhtát čoaggit murjjiid ja guobbariid.
• Meallun: Buorit meallunbáikkit leat ovdm. Luiro- ja Kopsujogat. Álbmotmeahcis eai leat merkejuvvon meallunjohtolagat.
• Meahcásteapmi: Urho Kekkonen álbmotmeahcis ožžot dušše báikkálaš ássit meahcástit meahcástanlága eavttuid mielde.
• Oaidnámušat ja várdádanbáikkit: Vánddar meahcceguovllus Luirojávrái ja dan nuorttabealde loktaneaddji álbmotmeahci alimus duoddarii Sokostii. Galledala šelgesčázát Šuomajohkaleagis dahje mátkkoš Suoma ja Ruošša rádjeavádahkii Bealljeduoddarii. Guovllu kulturárbái oahpásnuvat ee. álbmotmeahci davvioasi nuortalašgittiin ja Rádje-Jovsseha ássangiettis Ruošša rája lahkosiin sihke Dávgevári nuppi máilmmisoađi áigásaš duiskalaččaid Schutzwall-bealuštanstašuvnnas. Álkidit fáhtemis leahkki vardádanbáikkit Gilonanoaivvi aláš sihke Čáppoaivvi álbmotmeahci ráji lahkosiin Suoločielggis.
• Sihkkelastin: Sihkkelastin lea lobálaš álbmotmeahcis njealji johtolagas: Suoločielgi – Luttotupa (Moitakuru sihkkelastingeinnodat: guhkit 22 km ja oanehut 10 km riekkis), Rádjejovsset – Áttar (Áttara sihkkelastingeinnodat: 25 km ovtta guvlui), Kemihaara, Mantoselkä (11 km ovtta guvlui) ja Kemihaara – Vieriharju (10 km ovtta guvlui).
• Riiden: Riiden lea lobálaš álbmotmeahcis guovtti geinnodagas: Kemihaara, Mantoselkä (11 km ovtta guvlui) ja Kemihaara – Vieriharju (10 km ovtta guvlui).
• Joavkooahpisteamit: Diehtu iešguđetgelágan oahpistemiin luondduguovddážis ja luonddus oažžu Nuorttabealde luondduguovddážis.
• Vuojadeapmi: Vuojadeapmi lea lobálaš olles álbmotmeahci guovllus.
• Eaktodáhtolašdoaibma: Sáhtát oassálastit álbmotmeahci doibmii eaktodáhtolaččaid leairras, Junior Ranger – leairras ja earálágan dáhpáhusain. Álbmotmeahcis lea maid riikkaidgaskasaš eaktodáhtolašdoaibma.