Aktivitehtat Giehtaruohttasa meahcceguovllus

Meahcis vánddardeapmi

Giehtaruohttasa duottarbadjeeatnamat heivejit albma vánddardeddjiide. Meahcceguovllu bokte manná davviriikkalaš Kalohttageinnodat, man ollislaš guhkkodat lea 800 km. Geinnodagas manná sullii 80 km Suoma Giehtaruohttasis. Kalohttageinnodaga bálvalusaide dorvvastemiin maiddái álggahalli vánddardeaddji oažžu vejolašvuođa oahpásnuvvat davimus Sámi duoddariidda ja dan lundui. Loga lasi

Meahcis čuoigan

Meahcceguovllus eai leat merkejuvvon lahtut, muhto mohtorgielkámáđii ja ng. Háldi rissedihkkadeami sáhttá čuovvut. Giđđat cukŋon čuoigga goastta vaikke gosa. Dálvet luonddu gáibideaddjivuohta sáhttá boahtit vuorddekeahttá čuoigái. Meahccái fielladeaddji álggahalli gánneha hárjehallat Gilbbesjávrri birrasis. Doppe sáhtát čuoigat Sáná (12 km) dahje Čoalmmivári birra (10 km) dahje Golmma váldegotti rádjegeađggi lusa (22 km). Loga lasi

Guolásteapmi

Giehtaruohttasis leat earenoamáš čuozáhagat dolgevuokkain ja dábálaš vuokkain oagguide sihke rudneguolásteddjiide. Sáhtát goddit dápmoha, rávddu, hárri, čuovžža, vuskkona ja hávgga. Guovllus sáhttá oaggut ja rudneoaggut juohkeolbmovuoigatvuođain, masa ii dárbbašuvvo lohpi. Rávdnječáziin oaggun ii leat lobálaš geasset iige dálvet.

• Doskaljávrres, Luohtajávrres sihke Beara jávrrážiin jieŋa nala oaggumii ja geasseoaggumii dárbbašat goittotge Eanodaga meahcceguovlu 1551–lobi (www.eräluvat.fi, suomagillii).
• Go guolástat dolgevuokkain mávsse stáhta guolástandikšunmávssu (www.mmm.fi, suomagillii) ja oastte Eanodaga meahcceguovlu 1551 –lobi (www.eräluvat.fi, suomagillii)
• Leahttásetnos guolastettiin skáhpo Leahttásetno (lohpenr 1550) guolástanguovllu lobi (www.eräluvat.fi, suomagillii). Dat addá vuoigatvuođa guolástit Boazoetno guovllus Hárrejoga njálmmi rájes. Leahttáseanu Vähäkurkkio ii gula lohpeguovlui. Rádjeeanus Vuoskkus Gilbbesjavrái dárbbašuvvo Rádjeeanu 1552 -lohpi (www.eräluvat.fi, suomagillii). Rádjejogas lea lassin 2502-lohpi (www.eräluvat.fi, suomagillii), mii addá vuoigatvuođa guolástit Gilbbesjávrri rájes.

Guolástanlobiid vuvdet Eräluvat –neahttagávppi (www.eraluvat.fi, suomagillii) ja Meahciráđđehusa áššehasbálvalančuoggá lassin maid báikkálaš fitnodatdoallit.

Eará aktivitehtat

• Geočiegat: Čiegat gávdnojit juo miehtá máilmmi, maiddái Giehtaruohttasis. Loga lasi (www.geocache.fi)
• Šaddobuđaldeapmi: Davimus Sámi duoddarat leat šaddoberošteaddji mekka. Beroštupmi doalvu fargga tuvrraide maiddái ránnjáriikka duoddariidda.
• Lottiin dárkun: Bávttis bessejeaddji boaimmáža huikkas cieggá sillui agibeaivái.
• Luonddubálgát: Mátkkis Gilbbesjávrái sáhttá bisánit Iittu gilis ja vuoiŋŋastit balsajeakki luonddubálgás (500 m). Sáná luonddubálggis (5 km) oahpásmuhttá duottarlundui ja Lappi soađi historjái. Loga lasi
• Luondduguovddáš: Gilbbesjávrri luondduguovddáža čájáhus Skánddaid ravddas muitala mas stuorra duoddarat leat dahkon. Luondduguovddážis oaččut varraseamos dieđuid luonddu dilis ja bálvalusain muđui. Loga lasi
• Meahccesihkkelastin: Merkejuvvon meahccesihkkelastingeinnodagat eai leat, muhto iešheanálaš aktiivvat leat juo gávdnan báikkálaččaid geavahan johtin máđiid.
• Murjen ja guobbariid čoaggin: Ii gávdno fiidnát muorjeeana go Sáná vielti sarrihiiguin dahje duoddariid badjeeatnamiid luomejeakkit. Guobbariid it soaitte háhppehit čoaggit ovdal bohccuid, muhto sáhtát geahččalit!
• Meallun: Giehtaruohttasa meahcceeatnama dovdosamos meallunjohtolat lea earenomáš gáibideaddji Poroeno – Lätäseno (100 km). Loga lasi
• Meahcásteapmi: Giehtaruohtas lea meahcásteaddjái rievssatbivdoguovlu. Sállaša váilunge ii billis meahccetuvrra duoddaris. Loga lasi (www.eräluvat.fi)
• Mohtorgielkkáin johtin: Mohtorgielká máđii Heahtás Gilbbesjávrái ja riikka rádjejoga čuvodeaddji Victoria-johtolat, mas davige mohtorgielkkáin vuojašeaddjit liikojit. Loga lasi (www.eräluvat.fi)
• Oaidnámušat ja várdánbáikkit: Boahtin Gilbbesjávrái ligge váimmu. Gáttis ceaggana ceakkobávttát Sáná, man alde rahpasa okta Suoma rámšaseamos, muhto čáppa oainnus.
• Oahpistuvvon tuvrrat ja safarat: Giehtaruohttasa meahcceeatnama soaitá váttis juksat ieš. Guovllu fitnodatdoallit sáhttet veahkehit ja nu tuvra šaddá buorrin muitun. Loga lasi
• Váccašeapmi: Ii dárbbaš leat hárjánan vánddardeaddji ráhkásnuvvandihti Gilbbesjávrri duoddariidda. Gilbbesjávrri gili lahkosis leat máŋggat beaivetuvrabáikkit fiinna duottarduovdagiin. Loga lasi
• Vuojadeapmi: Mihcamáraid áigge vulget jieŋat duottarjávrriin, doppe go vuojada, dan ii vajálduhte.
• Eaktodáhtolašdoaibma: Buot fiinna luonddučuozáhagat gáibidit gieđaid veahkkin vai dat bissot ordnegis. Dárbbašit maid govvideaddjit ja bloggačálliin muitalit luonddu dáhpáhusain.