Soabbada aktivitehtat
Maid Soabbadas sáhttá dahkat?
Vázzit merkejuvvon johtolagaid mielde
Soabbada luonddumeahcis oažžu johtalit dušše merkejuvvon johtolagaid mielde. Soabbatjávrri meahccebiilageaidnu vuolgá váldogeainnus nr 4 ja manná luonddumeahci lulágeaže. Finnmárkkubálggis manná lulil davásguvlui. Dat vuolgá Soabbatjávrri gáttis ja nohká Kiilopääi. Pyhä-Nattanena riekkesbálgái beassá Soabbatjávrri meahccebiilageainnus ja dan mielde beassá Pyhä-Nattanena alážii. Soabbatjávrri geainnus beassá merkejuvvon bálgá mielde maiddái boares soađiáigásaš fuolahangeidnui, man mielde beassá Tankavaarai ja Koilliskaira luondduguovddážii. Vánddardeaddji galgá váldit vuhtii luonddumeahci ortnetnjuolggadusa.
Vánddardit vácci meahcis
Finnmárkkubálggis lea 35 km guhkosaš vánddardanjohtolat, ja nuba jos dan áigu vázzit geažis geahčái, de šaddá idjadit. Oassi johtolagas manná Soabbada luonddumeahcis, oassi UK-álbmotmeahcis ja davimus ossodat suodjalanguovlluid olggobealde Kiilopää geainnus Laanilai. Soabbada luonddumeahcis oažžu gohttet dušše Soabbatjávrri gáttis.
Meallut ja suhkat
Soabbatjávrris sáhttá suhkat ja meallut, muhto ieš čáhcejohtolagat guovllus eai leat.
Dárkot lottiid
Soabbada luonddumeahci máŋggabealat loddešlájaid sáhttá dárkot Soabbatjávrri gáttis, gos lea loddetoardna. Lottiid sáhttá dárkot maiddái merkejuvvon bálgáid guoras. Sierralágan čáhcelottit ja gálašeaddjit leat valjis Soabbatjávrri birrasiin ja jeaggeguovlluin. Beaiveboralottiin sáhttá boaimmáža, čievččá ja goaskima lassin áicat juoba mearragoaskima. Jalges duoddara loddi giron gullá maiddái guovllus bessejeaddji šlájaide.
Geahčadit oaidnámušaid ja oidnosiid
Guovllu oaidnámušaide gullá ee. Náttašduottar. Merkejuvvon johtolagaid mielde beassá Pyhä-Nattanenii ja Terävä-Nattanenii, main goappáge alde lea hui várddus sabmájeaddji áibmadas meahcceduovdagiidda. Náttašduoddaris sáhttá imaštallat maiddái toraid, mat leat stuorra bávttit.
Oahpásmuvvat luondduguovddážii
Nuorttabeale luondduguovddáža čájáhusat ja diaprográmmat ovdanbuktet Perä-Pohjola ja Vuovde-Lappi vuovde-, jeagge- ja duottarluonddu sihke guovllu kulturhistorjjá. Dasa lassin luondduguovddážis lágiduvvojit jahkásaččat moanat johtti čájáhusat ja sierralágan dáhpáhusat.
Guolástit
- Soabbada luonddumeahcis buotlágan ja birrajagáš bivdu lea lobálaš dušše Soabbatjávrris.
- Seakteáŋkorbivdu ja bilken Soabbatjávrris gullá juohkeolbmovuoigatvuođaide, iige daid várás dárbbašuvvo lohpi.
- Lustabivdui Soabbatjávrris dárbbašuvvo Meahciráđđehusa vuoggalohpi 1401 (www.eräluvat.fi, suomagillii). Guvllolaš lobi lassin bivdi galgá leat máksán stáhta guolástandikšunmávssu (www.mmm.fi, suomagillii).
- Lustabivdolobiid sáhttá háhkat Meahcirađđehusa neahttagávppis (www.eräluvat.fi, suomagillii), Bálvalanbáiki Kiehinenis dahje Nuorttabeale luondduguovddážis, main oažžu maiddái lassedieđuid guolástusas, guolástanguovlluin ja lohpevirolašvuođain.
Oassálastit joavkooahpisteapmái luondduguovddážis
Nuorttabeale luondduguovddážis Tankavaaras ovdanbukto UK-álbmotmeahci dahjege Koilliskaira historjá. Doppe oažžu dieđuid maiddái Soabbada luonddumeahcis. Koilliskaira luondduguovddážis sáhttá oahpásmuvvat guovllu máŋggabealat lundui, guovllu luonddugeavahanhistorjái ja Lappi vánddardanvieruide. Koilliskaira luondduguovddážis gávdnojit máŋggalágan fálaldagatprográmmat joavkkuide. Muhtun prográmmaide gullá meahcceossodat, mii ollašuhtto luondduguovddáža lahkosiin ja luonddubálgáid alde. Mii bivdit várret oahpistemiid ovddalgihtii. Oahpistemiid ovddas šaddá máksit.
Murjet ja guoppardit
Soabbada luonddumeahcis ožžot murjet ja guoppardit dušše báikkálaš olbmot, geat leat heaggačálihuvvon Soađegili gielddas ja ásset doppe fásta.
Johtit muohtagápmagiiguin
Soabbada luonddumeahcis sáhttá johtalit muohtagápmagiiguin dušše merkejuvvon johtolagaid mielde.
Sihkkelastit
Soabbada luonddumeahcis oažžu sihkkelastit dušše Soabbatjávrri meahccebiilageainnu mielde.