Álbmotmeahcit

Háliidatgo hervvošit fiinna eanadagaid oanehis luonddubálgás ja borrat nisttiid mánáiguin fuolahuvvon dolastallanbáikkis? Vai áibbašatgo gáibideaddji geinnodaga buktin fysalaš váibama ja ija nástealmmi vuolde measta dievaslaš jaskatvuođas? Suoma 38 álbmotmeahci fállet juohkehažžii iežas vuogi návddašit riikkamet čábbaseamos luonddus.

Álbmotmeahcit leat stuorra luonddusuodjalanguovllut, maid dehalaš bargun lea sihkkarastit luonddu máŋggabealatvuođa ja maiddái fállat olbmuide vejolašvuođa návddašit ja muossánit luonddus. Álbmotmehciin leat merkejuvvon geinno-
dagat, luonddubálgát ja dolastallanbáikkit. Álbmotmehciin sáhtát maiddái idjadit, dasgo dain leat tealttástallanbáikkit dahje idjadeapmái dárkkuhuvvon ráhkadusat. Lassidieđuid gávnnat guđege álbmotmeahci iežas siidduin.

Reaissu gánnáha álggahit oahpásmuvvamiin luondduguovddážii, makkár lea muhtin mehciid oktavuođas. Luondduguovddážis oaččot lassedieđuid guovllus ja dan bálvalusain.

Dieđuid eará go Suoma davimus álbmotmeahccin gávnnat min neahttasiidduin suomagillii ja ruoŧagillii. Fuomáš, ahte maid Nuuksio álbmotmeahccis gávdnojit sámegielat siiddut.