Aktivitehtat Nuuksio álbmotmeahcis
Maid Nuuksios sáhttá dahkat?
Vázzit merkejuvvon johtolagaid mielde
Nuuksio álbmotmeahcis leat merkejuvvon bálgat Haukkalampi, Kattila ja Siikajärvi birrasis oktiibuot sullii 33 km. Meahcis sáhttá oažžut buori obbalašgova, nu ahte johttá ee. 2 - 7 km:a bálgáid, mat mannet birra ja vulget Haukkalampi luonddustobu luhtte.
Vánddardit meahcis vácci
Nuuksio álbmotmeahcis ja dan lagasbirrasis leat buorit vejolašvuođat dahkat maid ija badjel vánddardantuvrra. Ovttastemiin guovllu oanehut bálgáid dahje go manná bálgáid olggobeallái orienteret, de sáhttá Nuuksio guovllus vánddardit vaikke vahkkoloahpa badjel. Vánddardanvejolašvuođaid maid viiddidit Helssega (www.hel.fi) ja Espoo (www.espoo.fi) gávpogiid eaiggáduššan lustaguovllut, mat gávdnojit álbmotmeahci lahkosis. Álbmotmeahci guovllus lea maid vejolaš idjadit tealttás, lávus dahje Oravankolo (Oarribiedju) dahje Tikankolo (Giegabiedju) stobuin, mat leat várremis.
Oahpásmuvvat luonddustohpui
Álbmotmeahci Haukkalampi luonddustobus (suomagillii) sáhttá oahpásmuvvat girdioarri čájáhussii.
Buđaldit geočiegaiguin
Álbmotmeahccái leat čihkkon máŋggat geočiegat (www.geocache.fi). Jagi 2000 álggu ožžon geočiegaid ohcán (suomagillii) lea máilmmiviidosaččat leavvan buđaldeapmi ja Suomasge gávdnojit juo máŋggat duháhat buđaldallit.Čuoigat
Nuuksio álbmotmeahci guovllus eai vuddjo láhttut, čuoigat lea goittotge lohpi olles álbmotmeahci guovllus. Lagamus fuolahuvvon láhttomáđiit gávdnojit álbmotmeahci birastahtti Helssega (www.hel.fi) ja Espoo (www.espoo.fi) gávpogiid lustaguovlluin. mSki-láhttokártábálvalus (mski.wmdata.fi/espoo/) muitala makkár ordnegis láhttut leat ja mainna stiillain sáhttá čuoigat, láhttuid guhkkodaga ja makkár čuovggat leat.Oaggut
Nuuksio álbmotmeahcis oažžu oaggut juohkeolbmorivttiin (www.ymparisto.fi) earret ráfáidahttin čázádagain. Dolgevuokkain oažžu oaggut eanan- ja meahccedoalloministeriija Lulli-Suoma leanaid mielde juolluduvvon dolgevuoggalobiin (www.mmm.fi). Oaggun Myllypuros ii leat obage lobálaš!Gizzut
Báktegiccodeapmi ja báttiin vulos boahtin lea lobálaš guovtti sajis (julkaisut.metsa.fi, suomagillii). Jiekŋagizzun lea baicca lobálaš olles álbmotmeahci guovllus.
Lođástallat
Nuuksioi leat čihkkon 10 lođá, maid ohcan hástala hárjánange Nuuksio galledallit. Loga eambbo lođástallamis Nuuksios.
Oahpásmuvvat luonddubálgái
Álbmotmeahcis sáhttá oahpásmuvvat dan bargui, mii luonddus dahkko vai šattašii dakkárin go lei ovdal. Nahkiaispolku lea 2 km guhku ja lea váttis johttit.Sihkkelastit
Nuuksio álbmotmeahcis lea sullii 30 km sihkkelastimii oaivvilduvvon geinnodagat. Fuomášanveara lea, ahte álbmotmeahci guovllus oažžu sihkkelastit dušše dain geinnodagain mat leat oaivvilduvvon sihkkelastimii.- Kártá álbmotmeahci sihkkelastingeinnodagain (julkaisut.metsa.fi, suomagillii)
Riidet
Álbmotmeahcis riiden lea lobálaš riidemii čujuhuvvon geinnodagain, mat leat oktiibuot 22 km.
- Kártá álbmotmeahci ridengeinnodagain (julkaisut.metsa.fi, suomagillii)
Vuojadit
Álbmotmeahcis vuojadeapmi lea lobálaš buot ládduin, muhto guovllus ii leat almmolaš vuojadangáddi. Máŋggaid ládduid gáttit leat jeaggeluvvan, muhto vuojadit beassá oalle álkidit Haukanholma ja Mustalampi káijain. Daid lassin Holma-Saarijärvis lea čáppa luonddugáddi.