Bátneduoddara aktivitehtat
Maid Bátneduoddaris sáhttá dahkat ?
Vázzit merkejuvvon johtolagaid mielde
Bátneduoddara meahcceguovllus merkejuvvon bálgát leat eanaš Avviljoga golleeatnamiin. Guovllu guovddášeatnamiin eai leat merkejuvvon bálgát.
Meallut
Avviljohka lea okta Suoma fiinásamos čáhcejohtolagain, mas leat oažžumis maiddái dárkilis meallunrávvagat. Mealluma sáhttá álggahit Avviljoga gierragiin ja joatkit Anárjávrri rádjai. Meallunjohtolaga guhkkodat Guhturis Avvilii lea 70 km.
Geahčadit oidnámušaid ja várdát
Avviljoga golleeatnamiid historjjálaš áigodagat oidnojit visttiin ja eatnamis vel otnege.
Oahpásmuvvat luonddubálgái
Avviljoga Kultalas, Moberginojas ja Pahaojas leat gollehistorjjás muitaleaddji oahpistangalbbat ja meahcceguovllu olggobealde lea gollehistorjjá birra Gollebálggis. Gollebálgá nubbi geahči lea Soađegilli - Avvil geainnu guoras 1,5 km Laanilas máttás ja nubbi geahči bisánanbáikkis kilomehter Guhtura luoddaearus Guhtura guvlui. Suoma ja máilmmi gollehistorjái sáhttá oahpásmuvvat Tankavaara Kultamuseos (www.kultamuseo.fi, suomagillii).
Čuoigat meahcis
Bátneduoddara guovlu heive lossa dálvevánddardeapmái. Meahcis eai leat moatte gámppá lassin eará bálvalusat, nu ahte iežas láhttuid čuoigiide dat lea vuogas vánddardanguovlu.
Sihkkelastit
Sihkkelastin lea vejolaš dušše Suoločielggi turistaguovddáža lahkosis meahcceguovllu nuorttabealde. Sihkkelastinmáđit mannet golleeatnamiid boares meahccegeaidnovuođuid mielde. Máđit leat merkejuvvon Soabbat-Kiilopää olgolihkandankártii, 1:50 000.
Guolástit
Meahcceguovllu ládduin ja jávrriin sáhttá guolástit nuvttá oaggumiin ja bilkemiin sihke lotnumiin Sámi leana oaggunlobiid (www.mmm.fi, suomagillii) maiddái vuokkain, earret BE-guovddáža sierračázit (www.mmm.fi, suomagillii). Meahciráđđehusa lustaguolástanlohpi, 1564 Davvi-Sámi meahcceguovlu (www.eräluvat.fi, suomagillii) lea viidásut ja vuoigadahttá guolástit maiddái ee. sierračáziin ja jogain, ádjagiin guolástankártta ja lohpeeavttuid mielde. 1567 Avviljoga lustaguolástusguovlu gokčá sullii 50 km Avviljogas (www.eräluvat.fi, suomagillii).
Eanodaga, Anára dahje Ohcejoga gielddas fásta ássiin, geat leat ámmátguolásteaddjit, ruoktodárboguolásteaddjit dahje luondduealáhusolbmot, lea goittotge vuoigatvuohta oažžut nuvttá lobi guolástit máinnašuvvon gielddain stáhta čáziin. Fuomáš, ahte álo go guolástuvvo earáláhkai go oaggumiin dahje bilkemiin galget 18-64-jahkásaččat máksit guolástusdikšunmávssu (www.mmm.fi, suomagillii).
- Lassidieđuid Meahciráđđehusa Avvila bálvalanbáikkis.
- Gyrodactylus salaris-luossaparasihtta ii leat vel leavvan Jiekŋamerrii golgi divrras luossajogaide. Loga lasi.
Meahcástit
Bátneduoddara meahcceguovllus leat guokte lohpemeahcástanguovllu: 1610 Bátneduottar ja 1611 Guhtur (www.eräluvat.fi, suomagillii). Guvlui vuvdojuvvon lobiin sáhttá bivdit rievssahiid, čáhcelottiid, njoammiliid ja smávvabeađuid. Go guovllut leat bohccuid guohtoneatnamat, ii ruohtadeaddji beatnaga oaččo geavahit.
Guhtur ja Bátneskáidi leat báikkálaččaid mielamiel bivdoeatnamat. Fásta Anára gielddas ássiin lea stáhta eatnamiin friija meahcástanvuoigatvuohta.
Murjet ja čoaggit guobbariid
Bátneduoddara eatnamat lea guorbasat, muhto joŋaid, sarrihiid ja luopmániid doppe gávdná, juos deivá heivvolaš šaddobáikkiide. Guobbariid, eandalitge gusaguobbariid, leamskkuid ja smierruid, sáhttá gávdnat bures ja daid sáhttá čoaggit, juos ii hálit daid guođđit nugo badjealbmát bohccuide čakčaherskon.
Vuojadit
Áidalas meahci čázit leat čearradat ja galbmasat eaige vealtameahttumit hovkkahala vuojadit go hárvenaš báhkka geassebeivviin. Dallege čuoikkat ja muohkárat sáhttet heađuštit vuodjama ja bálgan fas buktá bivastagaid gállui.