Oulankana bálvalusat

Áššehasbálvalus ja rávven

• Oulanka luondduguovddáš (suomagillii) lea Oulanka álbmotmeahci váldooahpistanbáiki guovdu álbmotmeahci.
  • Oahpisteamit, ovdanbuktimat, čájáhusat, vánddardanrávven álbmotmeahccái ja lagasguovlluide.
  • Kártat, guolástanlobit, Oulanka temábuktagat.
  • Luondduguovddážis biebmu- ja kafeabálvalusat, beaivválaččat mállása, mátkenisttiid sihke boradeamit joavkkuide. Safari-info ja -vuovdin, muohtagapagiid láigoheampi, vázzinsoabbiid, kanohtat ja vánddardanbiergasiid. Kafeas sáhttá oastit poastagoartaid ja mátkemuittuid.
• Karhunkierrosa luondduguovddáš (suomagillii) lea Karhunkierrosa vuolginbáiki ja Oulanka davvioasi bálvalanbáiki.
  • Oahpisteamit ja vánddardanrávven álbmotmeahccái ja lagasguovlluide.
  • Kártat, guolástan- ja bivdulobit, Oulanka temábuktagat.
  • Luondduguovddážis lea kafea.
• Guossáma bálvalanbáiki Karhuntassu (suomagillii) lea Oulanka bálvalanbáiki Guossáma guovddážis.
  • Vánddardanrávven ja oahpisteapmi Oulankai ja lagasbáikkiide.
  • Vuovdimassii Oulanka-buktagat ja Meahciráđđehusa lobit.

Oktasašbargobeliid fállan bálvalusat Oulanka álbmotmeahcis

• Oulanka álbmotmeahcis bálvalusaid fállet oktasabargobealit.
  • Oktasašbargofitnodagat fállet oahpistuvvon reaissuid, borramuš-, fievrredan- ja orrunbálvalusaid sihke láigohit vánddardanbiergasiid.
  • Dáin beliin lea oktasašbargosoahpamuš Meahciráđđehusain ja dat ollašuhttet suvdilis luondduturismma vuođđojurdagiid doaimmadettiin álbmotmeahcis.

Boradeapmi, málestepmi ja nisttiid háhkan

Gávppit, gáfestallanbáikkit ja restauráŋŋat

• Hautajärvi ja Käylä gilis sihke Rukatunturis leat gávppit.
• Rukas leat máŋggat restauráŋŋat.
• Oulankana tealttástallansajis ja Juumas Retki-Etapisa lea kioskat.

Lassidieđuid Oulankana luondduguovddažis ja Hautajärvi luonddudálus.

Dolastallanbáikkit ja gohttenbáikkit

Oulankana álbmotmeahcis lea:

• 50 dolastallansaji, mat leat eanášoasis Karhunkierrosa guoras.
• Lassin 6:a ávdinstobus leat vuoššansajit oktan gássavuoššanbiergasiiguin (Savilampi at, Taivalköngäs at, Ansakämppä at, Jussinkämppä at, Siilastupa at ja Kerojärvi at. Loga lasi stobuid, suomagilli).

Fuomášathan, ahte dolastallan lea gildojuvvon meaccbuollinváruhusa áigge maiddái doalastallansajis.

Juhkančáhci

• Gieračázi, dego jávrriid, jogaid ja ádjagiid čáziid, gánneha buhtistit ovdal go juhká, daningo čázi kvalitehta molsašuddá iešguđege guovllus.
• Luonddučáziid geavaheapmi juhkančáhcin iežas vástuin.

Bázahusfuolahus

• Álbmotmeahcci guovllus dahje Karhunkierros-geinnodaga guoras beaivemátki gaskkaid leat 4 ekobáikki. Ekobáikkiide sáhtát ordnet gierddáhusatnui bázahusa, dego metálla ja lása. Báikkiide sáhttá guođđit maiddái váttis bázahusa dego dábálaš báhtteriid ja báhtteriid, maid sáhttá láddet. Ávžžuhat, ahte bábir sihke boaldingelbbolaš plastihkat boldojit dolastallansajiin.
• Loga lasi čorges vánddardeamis.

Hivssegat

• Oulanka luondduguovddážis ja Hautajärvi luonddudálus lea hivsset.
• Oulanka ja Juuma gohttenbáiki leat sihke sis- ja olgohivssegat.
• Stobuid ja dolastallansajiid oktavuođas leat goikehivssegat.

Idjadeapmi

Dealttástallan ja lávut

Álbmotmeahci guovllus leat máŋggat orusteami/ijastallama várás ráhkaduvvon báikkit (su. laavut) ja logit tealtábáikkit. Tealttá oažžu cegget maiddái ávdinstobuid lahka.

Ávdinstobut

Oulanka álbmotmeahci guovllus leat 7 ávdinstobu ja 1 beaivestohpu.

Karhunkierros-geinnodaga guoras: (suomagillii)

• Savilampi at, Oulankajohsiste
• Taivalköngäs at, Oulankajohsiste
• Puikkokämppä at ja Ristikallio at, Aventojohsiste.
• Ansakämppä Oulankajohsiste
• Jussinkämppä at, Kulmakkojávrri gáttis
• Siilastupa at, Kitkajohsiste Jyräväs
• Keroharju geinnodagas Kerojärvi at, Kerojávrri gáttis. Stobus sávdni.

Gohttenbáikkit

• Oulanka álbmotmeahci gohttenbáiki lea Karhunkierros-geinnodaga guoras álbmotmeahci guovdu.
• Juumas leat máŋggat gohttenbáikkit.

Idjadeapmi lahkosiin

• Lahkosiin Hautajärvi, Käylä ja Juuma giliin leat láigobartat, oassi birrajagaš anus.
• Guossámis leat buohkanassii sulli 36 000 seaŋkabáikki, main eanáš oassi lea Ruka čuoiganguovddážis, sullii 22 km:a geahčen Oulankas. Rukas leat maiddái máŋggat hoteallat.

Biergasiid láigoheapmi

• Oulanka luondduguovddážis sáhttá luoikkahit bántta vuostá mánágurbunrehpuid lagasbálgáide.
• Guossámis doibmet badjel 40 prográmmabálvalanfitnodaga, main oassi láigoha ee. vánddardanbiergasiid. Lassidieđuid vánddardanbiergasiid láigoheamis Guossáma guovllus oažžu Ruka (www.ruka.fi, suomagillii) fierbmesiidduin.

Lihkadanlápmásiid bálvalusat

• Oulanka luondduguovddážii ja Hautajärvi luonddudállui sihke daid čájáhusaide ja gafeaide beassá jorrestuoluin ja mánáidvovnnaiguin. Visttiin inva-hivssegat.
• Geavgŋá boršu – máđidja eastagiid haga. Bálgás beassá ovddošit Kitaköngäs vuolimus borššuid nu rolláhtorain go maiddái mánávovnnaiguin. Lámisolbmuide ávžžuhuvvo leat veahkki mielde. Dolastallanbáiki, goikehivsset, gosa easttahis beassan.

Eará bálvalusat lahkosiin

• Käylä gilis lea báŋku, áššealmmáiboasta ja gávpi, gos maiddái boaldámušajuogadeapmi. Gávppis lea vejolaš bajidit reaidnaruđa báŋkokoartain. Guovllus leat muhtun láigobarttat maiddái birrajagáš anus.
• Juumas leat máŋggat gohttenbáikkit ja bartagilli, main oassi leat maiddái birrajagaš anus. Juumas doibmet prográmmabálvalanfitnodagat, mat lágidit oahpistuvvon reaissuid Oulanka álbmotmeahčái ja láigohit vánddardanbiergasiid.
• Rukas leat máŋggat prográmmabálvalanfitnodagat, mat lágidit ee. guoikkasluoitin-, meallun- ja vánddardán reaissuid Oulanka álbmotmeahccái ja láigohit vánddardangaskaomiid ja -biergasiid. Rukas lea maiddái gávppit ja lagamus báŋkoautomáhta.
• Sallas lea dearvvasvuođaguovddáš ja apotehka sihke gávppit ja spesiálagávppit.
• Guossámis leat máŋggabealat bálvalusat, guovddážis leat ee. dearvvasvuođaguovddáš sihke apotehkat, vánddardanbierggasgávppit ja eará spesiálagávppit.
• Lagasguovllu oaidnámušat leat Ruka, Valtavárri, Kuusinkijohka ja Aholavári noaidegievnnit Salla gieldda máttaoasis.
• Ođđasamos loddeoaidnimat gávdnojit Guossáma Lodderieggá (www.kuusamonlintukerho.fi, suomagillii) sidduin. Seamma siidduin gávdnojit maiddái Guossáma loddebáikkit ja doardnat.
• Máŋggabealat dieđut Lappis ja guovllu turismabálvalusain gávdnojit Lappi turismaportálas (www.lappi.fi, suomagillii).