Seitseminen bálvalusat
Áššehasbálvalus ja oahpisteapmi
- Seitseminen luondduguovddáš
- Kovero árbevierrodállu
- Eamidat čájehit dálu ja muitalit dološáigge eallimis.
- Oahpásmuhttinvárremat joavkkuide Seitseminen luondduguovddážis.
- Luonddu lohkat, eallámušaid bokte oahppat Seitsemises –lassidiehtu skuvllalaččaide ja beaiveruoktolaččaide oaivvilduvvon bálvalusain.
Ovttasbargobeliid fállán bálvalusat álbmotmeahcis
- Álbmotmeahcis bálvalusaid fálli ovttasbargobealit
- Dáid beliin lea ovttasbargosoahpamuš Meahciráđđehusain ja dat ollašuhttet gierdavaš luondduturismma vuođđojurdagiid álbmotmeahcis doaimmadettiin.
Boradeapmi, kohkken ja nisttiid skáhppon
Kafea
- Seitseminen luondduguovddáža kafea
- Kafeabálvalusat
- Diŋgonboradeamit
- Borramušfuolahus maiddái barttaide
- Rabasáiggit
Dolastallanbáikkit ja gohkkengoavddit
- Kulomäki, luondduguovddáš: uvdnagoavdi, dolastallanbáiki 150 m geažes, muorat uvdnagoavddi vuolde
- Iso-Kivijärvi: dolastallanbáiki
- Honkaniemi: dolastallanbáiki
- Kirkaslampi: gohkkengoavdi
- Koverolampi: dolastallanbáiki
- Haukilampi: dolastallanbáiki
- Jokiristi: dolastallanbáiki
- Liesijärvi: dolastallanbáiki ja lávvu
- Kirkas-Soljanen: gohkkengoavdi ja dolastallanbáiki
- Saari-Soljanen: gohkkengoavdi ja dolastallanbáiki (easttaheamet).
Rabas dola cahkkeheapmi vuovdebuollinváruhusa áigge lea gildojuvvon maiddái dolastallanbáikkiiguin.
Juhkančáhci
- Kulomäkis kafea beale olgoseainnis lea čáhcekrána.
- Koveros lea gáivvo. Juhkančázi galgá buhtistit.
- Pitkäjärvi lea gáivvo. Čáhci lea dutkamiid bokte gávnnahuvvon buorre dállodoalločáhcin. (beiv. 6.6.2013)
- Kirkas-Soljases lea gáivvo. Čáhci lea dutkamiid bokte gávnnahuvvon buorre dállodoalločáhcin.
- Soljasa davábealde lea gáldu. Juhkančázi galgá buhtistit.
- Gieračáhci, dego jávrriid, jogaid ja ádjagiid čázit, galgá buhtistit ovdal juhkama, go čázi kvalitehta molsašuddá guovlluid mielde.
Bázahusfuolahus
Guovllu luonddubáikkiin eai leat bázahusaid čoagginlihtit, nuba bázahusfuolahus lea iešdoaimmalaš. Dát oaivvilda, ahte vánddardeaddji váldá ovddasvástádusa bázahusain ja buktá daid earet luonddus sirrenbáikái. Luonddus sáhttá goittotge dábálaččat komposteret biobázahusaid ja boaldit buolli bázahusaid. Loga lasi ruskkahis vánddardeamis.
Hivssegat
Álbmotmeahcis juohke tealtáguovllu ja dolastallanbáikki oktavuođas lea goikehivsset. Dáid lassin Kovero kruvnnavuovdetoarppás ja Pitkäjärvi vuovdebarttas leat goikehivssegat. Váldde iežat hivssetbáhpára fárrui.
Idjadeapmi
Telten ja lávut
Seitseminen álbmotmeahcis leat guhtta nuvttá tealtáguovllu. Daid rusttegiidda gullet dollasadji, muorravisti, ákšu ja goikehivsset. Tealtáguovllut leat
- Haukilampis,
- Koverolampis,
- Jokiristis;
- Liesijärvis ja
- Kirkas-Soljases.
Liesijärvis lea lassin lávvu.
Álbmotmeahci lahkasiin leat lávut Teerilampi máttageahčen ja Rysäslampi máttageahčen. Dáid lávuid boaldinmuorrafuolahus ii leat jeavddalaš.
Leairaskuvladállu
Kortesalo leairaskuvladálu láigohit buohkaide. Kortesalo lea boares vuovdefáktadállu. Várremat ja diđoštallamat: Seitseminen luondduguovddáš, tel. 0205 64 5270.
Viessobiillat ja -vovnnat
Seitseminen álbmotmeahcis leat guokte parkerensaji, Kovero ja Saari-Soljanen, main lea lobálaš idjadit viessobiillas dahje –vovnnas. Parkerensajiin eai leat šleađgastoalpput ded. sierrabálvalusat karavánaraide.
Láigostohpu
Álbmotmeahci Pitkäjärvi láigostobu láigohuvvo miessemánu álggus gitta golggotmánu lohppii. Várremat ja diđoštallamat: Seitseminen luondduguovddáš, tel. 0205 64 5270
Láigobarttat
Seitseminen álbmotmeahci lagašguovllus lea Teerilampi láigobarta, 10 olbmo, muorrauvdna, oljolámppát, sávdni, www.lomarengas.fi
Idjadeapmi lagašguovllus
- Lagašguovllu idjadanvejolašvuođaid sáhttá jearrat Seiseminen luondduguovddážis sihke Ylöjärvi (www.ylojarvi.fi) ja Ikaalinen (www.ikaalinen.fi) ja Parkano gávpogiin (www.parkano.fi).
- Álbmotmeahci máttabealde Kovero kruvnnavuovdetoarpá Sisätö geainnu guoras idjadeami fállá Seitsemisen Torpat (seitsemisentorpat.net).
- Álbmotmeahci máttabealde Jauli bartta lahka idjadanbálvalusaid fállá Särkilammin marjatila (yritys.soon.fi).
- Áibbas álbmotmeahci máttabealde idjadeami fállá Jaulin kämppä (www.jaulinkamppa.fi).
- Álbmotmeahci davábealde idjadeami fállá Oravanmarja (www.oravanmarja.fi)
Biergasiid láigoheapmi
- Seiseminen luondduguovddážis sáhttá láigohit mánáidsealgelávkka, kanohtaid, muohtagápmagiid, oađđenbussiid ja vuolážiid, vázzinsoppiid ja sihkkeliid.
Lámisolbmuid bálvalusat
Seitseminen guovllus eai leat stuorra allodatearut: luondu lea dássidis, báikkuid leat čomat. Luondduguovddážis ja dan šilljobires, Pitkäjärvi meahccebartta šilljobires ja Multiharju luonddubálgá nuortaoasis sáhttá johtit juvlastuoluin go mielde lea veahkeheaddji. Soljasten jeaggeluonddubálgá lámisolbmuide heivvolaš oassi lea s. 0,5 km. Dan vuolggačuoggás lea eandalii lámisolbmuide huksejuvvon gohkkengoavdi ja inva-hivsset. Luondduguovddážis lea inva-wc.
Eará bálvalusat lagašguovllus
- Parkanos, 20 km Seisemises, lea lagamus bálvalusčoahkkebáiki. Maiddái Kurus, 26 km duohken Seitsemises, leat smávva čoahkkebáikki bálvalusat
- Lagamus boaldámušbáiki lea Parkanos.