Kalohttageinnodaga bálvalusat

Dán siiddus ovdan buktojuvvon bálvalusat gusket Suoma beale Kalohttageinnodaga oasi earret stobuid, main lea muitaluvvon maid Norgga ja Ruoŧa bealde.

Juhkančáhci

Suomas juohke Kalohttageinnodaga guoras, ávdin- ja várrehusstobu lahkosiin lea čáhceváldinbáiki, mas sáhttá goistet juhkančázi. Čáhceváldinbáikkit leat ilmmuhuvvon maid stobu siste stohpogirjjiin. Geinnodaga guora jogážiin lea juhkamii dohkálaš čáhci.

Bázahusfuolahus

• Sávvojuvvo, ahte geinnodagas johttit buktet iežaset ruskkaid eret meahcis.
• Guonjarjoga stobus eai leat lihtit seahkálaš bázahusaide, muhto eará stobuin geinnodaga guoras leat vel bázahuslihtit.
• Loga lasi ribahis vánddardeamis.

Boaldenmuorrafuolahus

Válmmasin luddejuvvon boaldenmuorat vuddjojuvvojit giđđadálvve ávdin- ja várrehusstobuide. Daningo boaldenmuorat buktojuvvojit Giehtaruohttasa meahcceguvlui guhkkin ja boaldenmuorrafuolahus lea divrras, sávvojuvvo ahte stobuide dárkkuhuvvon muorat eai boldojuvvo stobuid olggobealde.

Fuolahusa ovddasvástideaddjit

• Suoma bealde Kalohttageinnodaga boaldenmuorra- ja bázahusfuolahusa ovddasvástádus lea Meahciráđđehusas. Lassidieđut: Duottar-Sámi luondduguovddáš.
• Gilbbesjávrri luondduguovddážis váldojuvvojit sesoŋŋaáigge vuostá buot máhcahagat, mat gusket fuolahussii ja dat sáddejuvvojit doppe ovddosguvlui.

Idjadeapmi

Ávdin- ja várrehusstobut Suomas

Kalohttageinnodaga guoras leat ávdinstobut ja várrehusstobut, main sáhttá láigohit seaŋgabáikkiid mávssu vuostá.

• Meahciráđđehusas leat geinnodaga guoras guhtta ávdinstobu ja njeallje várrehusstobu. Suolojávrris, Guonjarjogas, Bihčosjávrris ja Háldis ávdinstobut ja várrehusstobut leat seamma visttis, muhto Megonjávrri ávdinstohpu ja várrehusstohpu leaba sulaid kilommettarbeale gaskkas nuppisteaskka. Gopmajoga ávdinstohpu lea lahka Norgga ráji.
  • Guohkkemašjávrri ávdinstohpu ja várrehusstohpu golmma váldegotti rádjemearkka lahka.
  • Suolojávrris ávdinstohpu ja várrehusstohpu
  • Guonjarjoga ávdinstohpu ja várrehusstohpu
  • Bihčosjávrri ávdinstohpu ja várrehusstohpu
  • Hálddi ávdinstohpu
  • Hálddi ávdinstohpu ja várrehusstohpu
  • Megonjávrri ávdinstohpu ja várrehusstohpu
  • Goapmajoga ávdinstohpu
• Stohpovárrehusaid sáhttá riŋget Gilbbesjávrri luondduguovddážii. Go luondduguovddáš lea gitta, de várrehusat ordnejuvvojit Duottar-Sámi luondduguovddáža bokte. Dáin áššehasbálvalanbáikkiin oažžu maid lassidieđuid stobuin ja geinnodagas.

Stobut Norggas

• Stuora oasi Kalohttageinnodaga Norgga beale stobuin eaiggáduššá Den Norske Turistforeningen (www.turistforeningen.no, dárogillii), mas adno oanádus DNT. DNT eaiggáduššan stobuide lea standárdačoavdda, mii heive buot stobuide. Čoavdaga oažžu ee. Gilbbesjávrre duollus bántamávssu vuostá, tel. 0295 527 007.
• Romssa guovllu DNT-stobuin ja daid várrehusain oažžu dieđu Romssa Turlagas (www.turistforeningen.no, dárogillii).
• Maiddái Norgga Statskogas (www.statskog.no, dárogillii) leat stobut Kalohttageinnodaga guoras. Oassi stobuin lea rabas ja oassi lássejuvvon.

Stobut Ruoŧas

• Kalohttageinnodaga Ruoŧa beale stobuid eaiggáduššá Svenska Turistföreningen (www.svenskaturistforeningen.se, ruoŧagillii), STF. Sesoŋŋaáigge stobuin bargá stohpofuolaheaddji, gii bearrá mávssuid stobuin ja oahpista.
• Ruoŧa stobuin Kungsledena guoras lea maid eallindárbašiid vuovdin.

Idjadeapmi Gilbbesjávrri lahkosiin

Diehtu orrumis Gilbbesjávrri lahkosiin gávnnat Eanodaga suohkana fierbmesiidduin (www.enontekio.fi, suomagillii).

Biergasiid láigoheapmi

Diehtu biergasiid láigoheamis lahkosiin gávnnat Giehtaruohttasa guovllu fierbmesiidduin.