Váhčira bálvalusat
Áššehasbálvalus ja oahpisteapmi
- Meahciráđđehusa Avvila bálvalanbáiki
- Oahpisteapmi, rávven, kárttat, prentosat ja guolástan-, meahcástan- ja mohtorgielkámáđidjalobit guvlui.
- Siida - Sámemusea ja Davvi-Sámi luondduguovddáš
- Oahpisteapmi, rávven, kárttat, prentosat ja guolástan-, meahcástan- ja mohtorgielkámáđidjalobit guvlui
- Sámemusea ja luondduguovdáža čájáhusat ja Sámemusea čoakkáldagat ja bálvalusat.
Boradeapmi, málesteapmi ja nisttiid háhkan
Dolastallansajit
- Fuolahuvvon dolastallanbáikkit Anárjávrri guovllus Čuollesmuotkki ja Bišternjárgga ávdinstobuid ja Njammijávrris (Njammijävri) Piilola ávdinstobu oktavuođas.
- Stáhtaeatnamiin Davvi-Sámis Meahciráđđehus diktá bidjat dola rissiin ja ovssiin almmá sierra lobi haga. Eanamuoraid dahjege eatnamii gahččan árvvuhis muoraid váldimii ja geavaheapmái galgá leat eatnamuorralohpi, mii fidne Davvi-Sámi luondduguovddážis Siiddas dahje Meahciráđđehusa Avvila bálvalanbáikkis. Olbmuid sávvet geavahit álo vejolašvuođaid mielde fuolahuvvon dolastallanbáikkiid.
- Meahccebuollinváruhusa áigge dolastallan lea gildojuvvon maiddái ráhkaduvvon dolastallanbáikkiin. Mátkevuoššana oažžu goittot geavahit.
Juhkančáhci
- Čáhci jugaha oppa guovllus. Smávva ládduin, main lea orru čáhci, ii goittot gánnát juhkat čázi. Vánddardeaddjis lea alddis ovddasvástádus, go geavaha gieđahalakeahtes čázi. Juhkančázi gánnáha vuoššat ja sillet, jos ii leat sihkkar čázi buhtisvuođas.
Bázahusfuolahus
- Váhčira meahcceguovllu ávdinstobuin leat ruskalihtit, muhto buoremus livččii ahte juohke vánddardeaddji buktá iežas ruskkaid eret meahcis.
- Čorges vánddardeapmi
Hivssegat
- Ávdinstobuid oktavuođas leat goikehivssegat
Idjadeapmi
Dealttástallan
Gohttet oažžu juohkeolbmovuoigatvuođa (www.ymparisto.fi, suomagillii) mielde.
Ávdinstobut
Váhčira meahcceguovllus leat njeallje ávdinstobu, main sáhttá idjadit ovtta dahje moadde ija.
- Bišternjárga lea Anárjávrri davágeahčen, Bišternjárgga nuorttabeale gáttis. Mohtorgielkámáđidja manná dakko guora.
- Čuollesmuotki lea Anárjávrris davásnuorttas cáhkki Čuollesvuona bađa ja Čuollesjávrri gaskasaš gutkos. Mohtorgielkámáđidja manná ávdinstobu guora.
- Rádjoaivi (Räjiuáivi) lea rabas 1.6.-30.9. ja lea Váhčira duottarbadjosiin Rádjoaivvi oarjjabealde.
- Piilola lea Njammijávrri nuorttabeale gáttis.
Láigobarta
- Riebannjárgga láigobarta, 10 km Bártteha gilis máttásnuorttas.
Idjadeapmi lahkosiin
- Bartaidjadanvejolašvuođat ja gohttensajit meahcceguovllu birrasiin leat Njellimis, Bárttehis, Čoarbbealjávrris, Čeavetjávrris ja Njávdámis. Lassidieđut (www.inari.fi).
Dealttástallan
- Gohttet oažžu juohkeolbmovuoigatvuođa (www.ymparisto.fi, suomagillii) mielde. Anárjávrri guovllus leat fuolahuvvon dolastallanbáikkiid, mat leat ávdinstobuid oktavuođas, lassin gokčojuvvon dolastallanbáikkit Luovvesullos (Lyevisuálu), Tyllylahtis ja Bealbbevuonas (Piälpáávuonâ). Govččakeahtes dolastallanbáikkit gávdnojit Iso-Maura jiekŋahoalus ja Veskonjárgga lahkosiin Palosaaris.
Ávdinstobut
Anárjávrri guovllus leat vihtta ávdinstobu, main sáhttá idjadit ovtta dahje moadde ija. (Ruođuid siste anárašgielat namat).
- Beahcesuolu (Pecsuálui), Anárjávrris Seakkabeahcesullo (Segispecssuálui) davveoarjjabeale gáttis.
- Jiekŋasuolu (Jieŋâsuálui), Anárjávrris leahkki Stuorra Jiekŋasullo (Stuorrâ Jieŋâsuálui) máttanuorttabeale gáttis.
- Geaiggonuorri (Kiäigunyeri), Anárjávrri máttageahčen, Čárbmanjárgga (Čaarmânjargâ) davágeahčen.
- Buoiddasuolu (Puiduusuálui), Anárjávrri Varttasullo (Varttaasuálui) máttabealde. Buoiddasullo davágeahčen.
- Kahkusuolu (Káhkusuálui), Anárjávrri Viimasullo (Viijmâš) davvenuorttabealde. Kahkusullo máttanuorttabeale gáttis.
Láigobarttat
Láigobarttat várrejuvvojit ollásit iežas atnui.
- Ádjájávri (Äijihjävri), Avvila ja Anára gaskkas, váldogeaidnu 4:a guoras, sullii 16 km Avvilis davás, Ádjájávrri gáttis.
- Beahcesuolu, Anárjávrri Seakkabeahcesullo oarjjabeale gáttis suddjes vuotnabađas.
Biergasiid láigoheapmi
- Prográmmabálvalanfitnodagat (www.inari.fi) láigohit ee. vánddardanbiergasiid, kanohtaid, fatnasiid ja mohtorgielkkáid.
Lihkadanlápmásiid bálvalusat
- Váhčira meahcceguovllus eai leat bálvalusat lihkadanlápmásiidda.
- Siida - Sámemusea ja Davvi-Sámi luondduguovddáš heive erenoamáš bures galledanbáikin lihkadanlápmásiidda.
Fanastalliid bálvalusat
- Fávllit leat merkejuvvon. Anárjávrri fanastallankárta 1:50 000.
- Fanashámmanat leat Anáris, Veskonjárggas ja Njellimis.
- Fanasluoitinsajit leat Avvilis, Veskonjárggas, Naŋŋajávrris (Naŋŋâjävri), Njellimis, Ádjájávrris, Anáris, Bárttehis ja Njižžejávrris.
Eará bálvalusat lahkosiin
- Lagamus báŋkkut, poasta, apteaika, dearvvasvuođaguovddáš, biiladivohagat ja gávppit leat Avvilis (www.inari.fi).
- Gillegávppit ja restoráŋŋabálvalusat leat Njellimis, Anáris, Čeavetjávrris ja Gápmasis.
- Bensenstašuvdna lea Njávdámis.
- Máŋggabealat dieđut Lappis ja guovllu turismabálvalusain gávdnojit Lappi turismaportálas (www.lappi.fi, suomagillii).