Giehtaruohttasa bálvalusat

Áššehasbálvalus ja oahpisteapmi

• Gilbbesjávrri luondduguovddáš
  • Diehtu guovllus, gárttat, lohpevuovdin
• Duottar-Sámi luondduguovddáš
  • Go Gilbbesjávrri luondduguovddáš lea gitta sesoŋŋaáigge olggobealde, de dieđu guovllus oažžu Duottar-Sámi luondduguovddážis.

Turismafitnodagaid lágidan bálvalusat

Čuovvovaš fitnodagat ja oktašasbargoguoimmit lágidit bálvalusaid. 

• Sis lea oktašasargosoahpamuš Meahciráđđehusain ja sii ollašuhttet bistevaš luondduturisma prinsihpaid (www.metsa.fi, suomagillii) doaimmadettiin álbmotmeahcis.

Boradeapmi, málesteapmi ja nisttiid háhkan

Gávppit, kioskkat, kafeat ja restauráŋŋat

• Gilbbesjávrres leat restauráŋŋat ja gávpi.

Dolastallanbáikkit, gámmet, stobut ja vuoššangoavddit

• Málesteapmi lihkostuvvá buoremusat ávdinstobuin, main juohkeovttas lea gássaommán ja/dehe kamiidna
• Dola cahkkeheapmi lea lobálaš, muhto dat ii ávžžuhuvvo, daningo guovllus leat hui unnán eananmuorat. Meahccebuollinváruhusa áigge sajušdola cahkkeheapmi lea gildojuvvon.

Juhkančáhci

• Čáhci lea dábálaččat guovllus juhkamii dohkálaš, muhto geassebáhkkan čáhci ávžžuhuvvo vuššojuvvot.

Bázahusfuolahus

• Eanemusain Giehtaruohttasa meahcceguovllu ávdin- ja várrehusstobuin leat vel ruskalihtit. Muhtin stobuin (ee. Guonjarjoga ja Háldi ávdinstohpu/várrehusstohpu ja Gaskkasjoga ávdinstohpu) ruskalihttit leat váldon ollásit eret. Sávvojuvvo, ahte meahccevánddardeaddjit buktet iežaset bázahusaid eret meahcis.
• Ribahis vánddardeapmi

Hivssegat

• Ávdin- ja várrehusstobuin leat olgohivssegat.

Idjadeapmi

Dealttástallan ja lávut

• Gohtten lea lobálaš juohkeolbmovuoigatvuođaid mielde.

Ávdin- ja várrehusstobut

• Ávdinstobuin sáhttá idjadit ija dehe guokte, dárkkit dieđu stobuin oaččut ávdinstobut-siiddus.
• Várrehusstobuin sáhtát mávssu vuostá várret alccesat idjasaji ovtta dehe guovtti idjii
• Idjadanmáksu 10 €/olbmos/idja, várrehusat: Duottar-Sámi luondduguovddáš ja Gilbbesjávrri luondduguovddáš.

• Guohkkemašjávrri ás
  • Golmma váldegotti rádjemearkka luhtte, Guohkkemašjávrri nuortadavvigáttis sulaid 100 m Norgga rájis.
• Guohkkemašjávrri vs
  • Golmma váldegotti rádjemearkka luhtte, Guohkkemašjávrri nuortadavvigáttis sulaid 100 m Norgga rájis.
• Suolojávrri ás/vs
  • Lahka Norgga ráji. Čoalmmiváriid davábealde. Suolojávrri oarjjabealde. Seamma visttis lea várrehusstohpu.
• Guonjarjoga ás/vs
  • Gahperusaid ja Guonjarvári gaskkas luoiti Guonjarjoga davvigáttis Gahperusaid čohkas luksa. Seamma visttis lea várrehusstohpu.
• Megonjávrri ás
  • Boazojávrri leagi oarjegeažis, Megon- ja Skádjajávrriid čolbmii oarjil luoiti Bierfejoga nuortalulligáttis, sulaid 500 m joga njálmmádagas.
• Megonjávrri vs
  • Megonjávrri lulligáttis Megonjávrri ávdinstobus sulaid 500 oarjjásdavás.
• Bihčosjávrri ás/vs
  • Bihčosjávrri nuortagáttis, Rássádjaga davábealde. Seamma visttis lea várrehusstohpu.
• Háldi ás
  • Háldi lulábeale jávrri oarjegáttis.
• Háldi ás/vs
  • Háldi lulábeale jávrri davvigáttis.
• Goapmajoga ás
  • Sieiddeluobbala oarjjabealde Goapmajoga guoras.
• Loassojávrri ás
  • Lahka Norgga ráji. Loassojávrri gáttis Urttasvári lulábealde.
• Jogašjávrri ás
  • Boazojávrres oarjjás Jogašjávrri gáttis. Guoras lea láigobarta.
• Boazojávrri ás
  • Boazojávrri nuortageaži lulligáttis jávrris álgi Boazoeanu njálmmis.
• Dápmájávrri ás
  • Boazoeanu luoiti Hárrejoga gierragiin Hárrejávrri ja Dápmájávrri gaskkas.
• Dierpmesjávrri ás/vs
  • Dierpmesjávrri davvigáttis Šalmmiguras luoiti jogaža oarjjabealde. Seamma visttis lea várrehusstohpu
• Áillahasjávrri ás
  • Vuolle-Gilbbesjávrres sulaid 5,5 km nuorttas Áillahasjávrri davvigeažis sulaid 1 km nuorttaslulás jávregáttis.
• Deatnomuotkki ás
  • Boazoeanu oarjegáttis Garraváris sulaid 1,5 km nuorttasdavás.
• Buvrrašjoga ás
  • Vuolle-Gilbbesjávrri lulligeažis 18 km nuorttas Buvrrašjoga guoras. Johkasuoris sulaid 700 m vulos oarjesuori nuortagáttis.
• Gaskkasjoga ás
  • Doaresetnui luoiti Gaskkasjoga lulligáttis, Gaskkasjávrres sulaid 2 km vulos joga guvlui ja dan lulábeale jávrráža muotkkis.
• Hirvásvuohpi ás
  • Leahttáseanu oarjegáttis Hirvásvuohpis, Gilbbesjávrái doalvu mohtorgielkámádija lahkosiin.
• Roabi ás
  • Roabijávrái davvin luoiti Roabijoga nuortagáttis, Roabi ja Áksebávtti gaskkas rátkinbáikki guoras.
• Gođđoguoikka ás
  • Gálggoaivvis oarjjásdavás Davit Vutnesjávrri davvigeažis.
• Gálggoaivvi ás
  • Giettiluotta geažis. Gálggojávrriid lulábealde.
• Ádjájoga ás
  • Rádjeetnui Darjjus luoiti Ádjajoga oarjjit suori jávrráža nuortalulligáttis.

Láigobarttat

• Láigobartta sáhtát várret obanaga iežat atnui. Várrehusat: Duottar-Sámi luondduguovddáš, tel. 0205 64  7950
• Jogašjávri
  • Boazojávrres oarjjás Jogašjávrre gáttis.

Idjadeapmi lahkosiin

• Luopmobarttat
  • Turismafitnodatolbmot láigohit barttaid Gilbbesjávrri guovllus.
• Gohttenbáikkit
  • Gohttenbáikkit leat Roabičoalmmis ja Gilbbesjávrres.
• Karavánarat
  • Gilbbesjávrri turismafitnodatolbmuin leat rávdnjevovdnabáikkit.
• Hotealla
  • Gilbbesjávrres lea okta hotealla.
• Sávdnjun
  • Sávnnjit leat Gilbbesjávrri turismafitnodatolbmuin.
• Lassidieđut Eanodaga fierbmesiidduin (www.enontekio.fi, suomagillii).

Biergasiid láigoheapmi

• Gilbbesjávrri turismafitnodatolbmot láigohit ee. fatnasiid ja vánddardanbiergasiid, lassidieđut Eanodaga fierbmesiidduin (www.enontekio.fi, suomagillii).

Lihkadanlápmásiid bálvalusat

• Gilbbesjávrri luonddudálus sáhttá lihkadit juvlastuoluin. Luonddudálus lea inva-wc.

Eará bálvalusat lahkosiin

• Lagamus báŋkkut, aptehka ja dearvvašvuohtaguovddáš leat Eanodaga girkosiiddas Heahtás ja Muonio girkosiiddas.
• Gárasavvonis lea dearvvašvuohtaguovddáš.
• Gilbbesjávrres lea boaldámušvuovdin, gávpi, fievrridanbálvalusat (dákse, fanasfievrrideapms, girdinbálvalusat), lohpevuovdin sihke áššeolmmáiboasta.
• Lassidieđut Eanodaga fierbmesiidduin (www.enontekio.fi, suomagillii).
• Máŋggabealat dieđut Lappis ja guovllu turismabálvalusain gávdnojit Lappi turismaportálas (www.lappi.fi, suomagillii).