Báišduoddara bálvalusat
Áššehasbálvalus ja oahpisteapmi
- Ohcejoga luonddustohpu lea rabas geasi áigge.
- Kárttaid, smávvagálvvuid ja guolástanlobiid vuovdin
- Vánddardanrávven ja oahpisteapmi
- Luonddustobus Ohcejoga gieldda turistarávvenbáiki
-
-
- Kárttaid ja guolástanlobiid vuovdin
- Vánddardanrávven ja oahpisteapmi
- Čájáhusat (sisabeassanmáksu): bissovaš čájáhus Davvi-Sámi luonddu ja sámekultuvrra birra ja molsašuvvi čájáhusat
- Museagávpi ja restoráŋŋa
-
Boradeapmi, málesteapmi ja nisttiid háhkan
Dolastallanbáikkit
- Davvi-Sámis, stáhtaeatnamis, Meahciráđđehus diktá bidjat dola almmá sierra lobi haga eatnamii gahččan rissiin ja ovssiin. Eanamuoraid dahjege gahččan árvvuhis muora váldimii ja geavaheapmái dárbbašuvvo eanamuorralohpi, mii fidne Meahciráđđehusa Avvila bálvalanbáikkis ja Davvi-Sámi luondduguovddážis Siiddas. Gánnáha geavahit gárvves dolastallanbáikkiid, mat gávdnojit.
- Meahcceguovllus leat čieža dolastallanbáikki. Johtalanvárri, Goahppelašjávri, Námmájávri ja Vuolleseavttet leat Ohcejoga vánddardanjohtolaga guoras. Guivvi riekkesjohtolaga guoras meahcceguovllu máttageahčen leat dolastallanbáikkit Ruktajávrri ja Njávgoaivvi ávdinstobuid ja Áhkojávrri goađi oktavuođas.
- Dolastallan meahccebuollinváruhusa áigge lea gildojuvvon maiddái dolastallanbáikkiin. Mátkevuoššana sáhttá goittotge geavahit.
Juhkančáhci
- Guovllu čázit jugahit dábálaččat. Golgi čáhci lea buoret go orru čáhci. Juhkančázi gánnáha vuoššat geassebáhkaid áigge.
Bázahusfuolahus
- Vánddardeaddji sávvet čuovvut čorges vánddardeami prinsihpa: vánddardeami áigge čoggon hádjoskeahtes bázahusat buktojuvvojit eret meahcis ja sirrejuvvojit. Loga lasi čorges vánddadeamis.
- Ávdinstobuin ja Geavu vánddardanjohtolaga goabbat geažis leat ekosajit.
Hivssegat
- Juohke ávdinstobu, goađi ja dolastallanbáikki oktavuođas lea goikehivsset.
Idjadeapmi
Tealttástallan ja lávut
- Vánddardeaddji oažžu friddja válljet idjasaji meahcceguovllus. Go gohtte boares tealtásajiide ja ávdinstobuid šiljuide, de ii loavtte nu ollu meahccebirrasa.
Ávdinstobut
Báišduoddara meahcceguovllus leat golbma ávdinstobu.
- Ruktajávri lea Ruktajávrri davvenuorttabeale gáttis Geavu vánddardanjohtolaga máttageahčen, meahcceguovllu máttaoarjjageahčen.
- Njávgoaivi lea Njávgoaivvi davveoarjjabealde Guivvi johtolaga guoras, meahcceguovllu máttaoarjjageahčen, Geavu luonddumeahci oarjjabealde.
- Goahppelašjávri lea Goahppelašjávrri máttageahčen Ohcejoga vánddardanjohtolaga guoras meahcceguovllu davágeahčen.
Idjadeapmi lahkosiin
- Meahcceguovllus eai leat láigobarttat, muhto lahkosiin leaokta Meahcirađđehusa bartta.
- Badjegeavŋŋis lea Ohcejohka-Gáregasnjárga-geainnu (nr 970) guoras, 25 km Ohcejogas Gáregasnjárgga guvlui.
- Mátkkoštanbiilla ja -vovnna sáhttá parkeret Geaidnohálddahusa párkerensajiide. Karavánariidda gávdnojit bálvalusat Ohcejogas ja Gáregasnjárggas.
- Lahkosiid eará idjadanvejolašvuođaid birra sáhttá gulaskuddat Ohcejoga (www.saamivillage.fi) ja Anára gielddaid turistainfoin.
Lihkadanlápmásiid bálvalusat
- Guovllus eai leat bálvalusat lihkadanlápmásiidda. Ohcejoga luonddustobus ja Sámemusea ja Davvi-Sámis luondduguovddáš Siiddas sáhttá lihkadit juvlastuoluin. Siiddas lea inva-wc ja olgomuseaguovllus sáhttá lihkadit geasi áigge veahkkebargi veagas.
Eará bálvalusat lahkosiin
- Ohcejogas (www.saamivillage.fi) leat valjis bálvalusat: earret eará borramuš- ja seahkalasgálvogávppit, poasta, dearvvasvuođaguovddáš ja idjadanbálvalusat.
- Maiddái Gáregasnjárggas leat valjis bálvalusat.
- Lagamus bensenstašuvnnat ja borramušgávppit leat Ohcejogas, Gápmasis ja Gáregasnjárggas. Dáin giliin gávdnojit maiddái táksebálvalusat.
- Lagamus báŋkoautomáhta lea Anára girkobáikkis. Ohcejoga girkobáikki báŋkkus leat oaniduvvon rabasdoallanáiggit.
- Lahkosiid borramušgávppiin leat dálkkasskáhpet.
- Lahkosiin leat valjis turistafitnodatolbmot.
- Biilla sirdinbálvalusaid sáhttá gulaskuddat báikkálaš tákse- ja turistafitnodatolbmuin (www.saamivillage.fi).
- Máŋggabealat dieđut Lappis ja guovllu turismabálvalusain gávdnojit Lappi turismaportálas (www.lappi.fi, suomagillii).