Soabbada bálvalusat
Áššehasbálvalus ja oahpisteapmi
- Nuorttabeale luondduguovddáš Tankavaaras lea Meahciráđđehusa lagamus áššehasbálvalanbáiki
- Suoločielggi bálvalanbáiki Kiehinen
Boradeapmi, málesdeapmi ja nisttiid háhkan
Gávppit
- Mátkenisttiid sáhtát háhkat Vuohču giligávppis dahje guovllu lahkosiid gávppiin ja bensenstašuvnnain ja Suoločielggi (www.saariselka.fi, suomagillii) turismafitnodagain.
Dolastallansajit, gámmet, stobut, vuoššangoavddit ja goađit
- Soabbada luonddumeahcis oažžu dolastallat dušše dan várás lágiduvvon dolastallanbáikkiin. Soabbada luonddumeahcis dákkár dolastallanbáikkit leat vihtta.
- Meahccebuollinváruhusa áigge dolastallan lea gildojuvvon juohke sajis, maiddái merkejuvvon dolastallanbáikkiin ja rabaslávuid dollasajiin. Goikkádagaid áigge ii galggaše maiddái bidjat dola gođiid ja gámppáid dollasajiide.
- Mátkevuoššana lea lohpi álo geavahit. Dolastallanbáikkiin leat sahá ja ákšu muorravisttis.
Dolastallanbáikkit, goađit ja vuoššangoavddit:
- Nalijoga lávvu, muorravisti ja hivsset
- Riestonaapa: dolastallanbáiki
- Soabbatjávri: guokte dolastallanbáikki, lávvu, goahti, hivsset, muorravisti ja gáivo
- Pyhä-Nattanena alážis: beaivestohpu ja hivsset
- Terävä-Nattanena vuolde: dolastallanbáiki ja muorravisti
Juhkančáhci
- Guovllu ládduid, ádjagiid ja jogaid čáhci jugaha dábálaččat, muhto čázádagaid čáhci ii leat dutkojuvvon. Nuba juhkančázi gánnáha vuoššat. Soabbatjávrris lea gáivo.
- Luondduguovddážis ja bálvalanbáikkis oaččut váldit čázi fárrui, jos háliidat.
Bázahusfuolahus
- Soabbada luonddumeahcis šaddá ieš fuolahit bázahusain. Buhtes kartoŋgga ja báhpára sáhttá álo boaldit dollasajis. Eanaiduvvi bázahusaid sáhttá guođđit hivssegii. Eará bázahusaid vánddardeaddji šaddá ieš buktit eret meahcis. Soabbatjávrris lea bázahusbáiki. Loga lasi ribahis vánddardeamis.
Hivssegat
- Nalijoga siste lea goikehivsset
- Riestonaapa dolastallanbáikkis ii leat hivsset
- Soabbatjávrris lea goikehivsset
- Pyhä-Nattanena aláža beaivestobu oktavuođas lea goikehivsset
- Terävä-Nattanena vuolde leahkki dolastallanbáikkis ii leat hivsset
Idjadeapmi
Tealttástallan, lávut ja goađit
Gohttet ja tealttástallat oažžu Soabbada luonddumeahcis dušše Soabbatjávrri gáttis ja ovtta manu guhkimustá golbma jándora. Dolastallat oažžu Soabbada luonddumeahcis dušše merkejuvvon dolastallanbáikkiin. Soabbatjávrri gáttis leat ijastalliid várás lávvu, goahti ja dolastallanbáikkit.
Idjadeapmi lahkosiin
Lassedieđut luonddumeahci lahkosiid idjadanvejolašvuođain gávdnojit čuovvovaš neahttasiidduin:
- Suoločielgi (www.saariselka.fi, suomagillii)
- Soađegilli (www.sodankyla.fi)
- Anár (www.inari.fi)
- Lappi turismaportála (www.lappi.fi, suomagillii)
Vánddardanbiergasiid láigoheapmi
Guovllu lahkosiid turismafitnodagat láigohit vánddardanbiergasiid. Lassedieđut gávdnojit čuovvovaš neahttasiidduin:
- Suoločielgi (www.saariselka.fi, suomagillii)
- Soađegilli (www.sodankyla.fi)
- Anár (www.inari.fi)
Lihkadanlápmásiid bálvalusat
- Soabbada luonddumeahcis eai leat lihkadanlápmásiidda heivvolaš johtolagat dahje bálvalusat. Lihkadanlápmásat sáhttet goittotge oahpásmuvvat Koilliskaira luondduguovddážii ja oažžut doppe dieđuid Soabbada luonddumeahci luonddus.
- Nuorttabeale luondduguovddážis Tankavaaras on olgoboardagis gorgŋehat lihkadanlápmásiid várás. Čájáhuslanjat leat guovtte gearddis ja bajágearddi čájáhussii beassá juvlastuoluin maŋŋeuksaráigge. Visttis lea inva-wc. Šilljobirrasis rohtte kilomehtera guhkkosaš čievrrain bajilduvvon luonddubálggis (Urpiaislenkki), man birra sáhttá johtit juvlastuoluin veahki veagas.
Eará bálvalusat lahkosiin
Lassedieđut lahkosiid bálvalusain gávdnojit čuovvovaš neahttasiidduin:
- Suoločielgi (www.saariselka.fi, suomagillii)
- Soađegilli (www.sodankyla.fi)
- Anár (www.inari.fi)
- Máŋggabealat dieđut Lappis ja guovllu turismabálvalusain gávdnojit Lappi turismaportálas (www.lappi.fi, suomagillii).