Heahtá guovllu bálvalusat

Áššehasbálvalus ja oahpisteapmi

Duottar-Sámi luondduguovddáš

• AV-ovdanbuktojumit, molsahuvvi čájáhusat ja dáhpáhusat

• diehtu Heahtá, eará Eanodaga ja Bállás-Ylläsduoddara álbmotmeahci bálvalusain

• guolástan-, meahcástan- ja mohtorgielkávuodjin-luoddalobit

• Bállás-Ylläsduoddara álbmotmeahci, Bievrrašjávrri ja Giehtaruohttasa stobuid várrehusat ja čoavdagat stobuide
• gárttat, girjjit, báikkálaš mátkemuittut sihke gáffestohpu

Ovttasbargobeliid fállan bálvalusat

Čuovvovaš fitnodagat ja oktašasbargoguoimmit lágidit bálvalusaid Heahtá guovllus.

• Sis lea oktašasargosoahpamuš Meahciráđđehusain ja sii ollašuhttet bistevaš luondduturisma prinsihpaid doaimmadettiin álbmotmeahcis.

Boradeapmi, málesteapmi ja nisttiid viežžan

Gáffestobut ja restauráŋŋat

• Duottar-Sámi luondduguovddážas lea gáffestohpu, mii lea rabas turismma sesoŋŋaáiggiid.
• Heahtás leat máŋggat gáffestobut ja restauráŋŋat (www.enontekio.fi) sihke eará borranbáikkit.
• Giđđadálvve Bassečearu beaivestobu guoras lea gáffestohpu, mii lea rabas beaiválaččat.

Gávppit ja kioskkat

• Heahtá guovllus lea biebmogávpi ja grillakioska sihke spesiálafitnodagat (www.enontekio.fi).

Dolastallanbáikkit, goađit, lávut ja stobut

• Heahtá guovllus leat dolastallanbáikkit, lávut ja goađit. Eatnasiid dain bajásdoallá Meahciráđđehus. Meahccebuollin-váruhusa áigge sajušdola cahkkeheapmi lea gildojuvvon juohke sajes, maiddái dolastallanbáikkiin ja lávvobeliid árraniin. Jakŋaseamos áigge ávžžuhuvvo, ahte dolla ii cahkkehuvvole ruovttuid ja meahccestobuid árramiidda.
• Dolastallanbáikkit leat
  • Gokčojuvvon árran Duottar-Sámi luondduguovddáža šiljus
  • Dolastallanbáiki Rávdojávrris, Sámmálvári láhttu guoras
• Goađit leat
  • Várdogoahti Jyppyrä čohka nalde
  • Goahti Ovnnesjávrri lulligáttis Heahttá-Bállás -johtolaga álggus
• Lávut leat
  • Njárbesjoga lávvu Báktejávrri bálgá ja lávu guoras
  • Yrjö Kokko -loddevárdu guoras (www.tosilappi.fi, suomagillii), Eanodaga suohkan bajásdoallá
  • Sotkajávrri loddevárddu guoras (www.tosilappi.fi, suomagillii)
  • Bearaljávrri gáttis, Eanodaga suohkan bajásdoallá
  • Boastastohpojávrri gáttis, Sámmálvári láhttu guoras, Eanodaga suohkan bajásdoallá
• Stobut leat
  • Muotkejávrri beaivestohpu
• Bállás-Ylläsduoddara álbmotmeahci dolastallanbáikkit, lávut ja goađit.

Juhkančáhci

• Guovllu čázit leat dábálaččat ráidnasat ja čázi sáhttá juhkat, muhto čázádagat eai leat dutkojuvon.
• Loga vánddardeami juhkančáhcerávvagiid (suomagillii) vánddardeami ABC:s.

Bázahusfuolahus

• Heahtá guovllu meahccečuozáhagain eai leat ribaid čoagginlihtit nu ahte bázahusfuolahus lea iežas doaimma duohken. Dát dárkkuha dan, ahte vánddardeaddji váldá ovddasvástádusa iežas ruskkain nu ahte buktá daid eret meahcis ordnemii. Meahcis sáhttá goitge dábálaččat komposteret biobázahusaid ja boaldit buolli ribaid. Loga lasi ribahis vánddardeamis.
• Bállás-Ylläsduoddara álbmotmeahci bázahusfuolahus

WC:t

• Stobuid sihke máŋggaid dolastallanbáikkiid ja lávuid oktavuođas lea olgohivsset.

Idjadeapmi

Dealttástallan ja lávut

• Gohtten lea lobálaš juohkeolbmorivttiin (www.ymparisto.fi, suomagillii)
• Bállás-Ylläsduoddara álbmotmeahci áhpasnuvvanavádagas dealttástallan lea lobálaš stobuid ja dolastallanbáikkiid lahkosiin.

Láigostobut

• Šiššatčielggi goahti

Gohttenbáikkit

• Albma gohttenbáikkit Heahtá guovllus eai leat, muhto guovllu muhtin turismafitnodatolbmot láigohit dealtábáikkiid, lassidieđut Eanodaga fierbmesiidduin (www.enontekio.fi).

Hoteallat ja luopmogilit sihke eará orrun

• Heahtá guovllus leat hoteallat, luopmogilit ja ovttaskas láigostobut. Lassidieđut orrumis gávnnat Eanodaga fierbmesiidduin (www.tosilappi.fi, suomagillii).

Lihkadanlápmásiid bálvalusat

• Duottar-Sámi luondduguovddáža čájáhusaide sáhttá oahpásnuvvat maid rullastuoluin
• Duottar-Sámi luondduguovddážis lea inva-WC
• Sotkajávrri loddevárddu vuolleduolbadassii ja lávvui sihke Duottar-Sámi luondduguovddáža dolastallanbáikái beassá rullastuoluin

Fanastalliid sierrabálvalusat

• Heahtá guollehámmanis lea betonas ráhkaduvvon fanasstáffu
• Fanasstáffut leat maid Muotkejávrris sihke Ovnnesjoga guoras Ketomellas

Eará bálvalusat lahkosiin

• Heahtá gilis leat guokte báŋkku, báŋkoautomáhtta sihke áššeolmmošboasta.
• Heahtás lea dearvvašvuohta-guovddáš ja apteaika.
• Heahtá gilis máŋggat dáksefitnodatolbmot (www.enontekio.fi, suomagillii).
• Fanasgivttat ja biilasirdinbálvalusat (www.tosilappi.fi, suomagillii) Heahtás Bállásii.
• Mávssu vuostá sáhttá sávnnjodit ja mannat čáhcerišus máŋggain Heahtá turismafitnodagain.
• Gilis lea okta bensiidnastašuvdna ja okta dáŋkenbáiki.
• Máŋggabealat dieđut Lappis ja guovllu turismabálvalusain gávdnojit Lappi turismaportálas (www.lappi.fi, suomagillii).