Bállás-Ylläsduoddara bálvalusat
Áššehasbálvalus ja oahpisteapmi
Ylläsduoddara luondduguovddáš Kellokas
- oahpásnuhttá du Oarje-Sámi lundui sihke Ylläs-Aakenusa duottarguvlui ja dan máŋggabeallásaš vánddardanvejolašvuođaide.
- luonddučájáhus ja vuovdebargomusea; av-čájáhusat; molsašuvvi čájáhusat; dáhpáhusat; luondduguovddáža ja Varkaankuru oahpisteamit, main lea máksu.
- vánddardanneavvun; mátkemuittut; lobit; gáfestallanbáiki
Bállásduoddara luondduguovddáš
- čájáhus, mii muitala guovllus; áv-čájáhusat, molsašuvvi čájáhusat ja dáhpáhusat
- Heahttá - Bállás -johtolaga várrehusstobuid ja Keimiöjärvi láigobartta várrehusat
- Bállásjávrri guolástanlobit
- báikkálaš buktagat; girjjit; gárttat
Duottar-Sámi luondduguovddáš Heahtás
- čájáhus, mii muitala guovllus; áv-čájáhusat, molsašuvvi čájáhusat ja dáhpáhusat
- diehtu buot Giehtaruohttasa meahcceguovllu bálvalusain ja vejolašvuođain sihke lobit ja stohpovárrehusat.
- gárttat; girjjit; báikkálaš mátkemuittut, gáfestallanbáiki
- máksojuvvon oahpisteamit luondduguovddáža čájáhusaide
Turismafitnodagaid lágidan bálvalusat álbmotmeahcis
- Čuovvovaš fitnodagat ja oktašasbargoguoimmit lágidit bálvalusaid Bállás - Ylläsduoddara albmotmeahcis. Sis lea oktašasargosoahpamuš Meahciráđđehusain ja sii ollašuhttet bistevaš luondduturisma prinsihpaid (www.metsa.fi, suomagillii) doaimmadettiin álbmotmeahcis.
Boradeapmi, málesteapmi ja nisttiid háhkan
Gáfestallanbáikkit ja restauráŋŋat
- Álbmotmeahci lagaš giliin ja turismaguovddážiin leat gáfestallanbáikkit, restauráŋŋat ja gávppit. Kellokasa luondduguovddážis ja Duottar-Sámi luondduguovddážis lea gáfestallanbáiki. Duottar-Sámi luondduguovddáža gáfestallanbáiki lea rabas turismma sesoŋŋaáiggiid. Bállásduoddara luondduguovddáža guoras lea Hotelli Pallas bálvalusaidisguin.
- Álbmotmeahcis leat maid johtolagaid guoras bálvalusat.
- Ovnnesduoddara Bassičearus lea ávdinstobu lassin bálvalanstohpu, mas lea giđđadálvve gáffestohpu, man fitnodatolmmoš doallá rabas. Sesoŋŋaáigge olggobealde stohpu láigohuvvo eará turismafitnodatolbmuid atnui. Várrehusat dikšojuvvojit Duottar-Sámi luondduguovddážis.
- Ylläs - Aakenus -guovllu láhttogáfestallanbáikkit leat rabas sesoŋŋaáiggiid (rabasorrunáiggiid gánnáha sihkkarastit Kellokasas).
- Kesänginkeidas lea Kesänkijärvi nuorttageahčen s. 5 km Äkäslompolos nuorttas.
- Kesänkikeidasis nuorttas s. 2 km lea Latvamaja láhttogáfestallanbáiki.
- Kukas-, Lainio- ja Pyhätunturi guras lea Kotamaja láhttogáfestallanbáiki, mii lea rabas giđđasesoŋŋa áigge.
- Dasa lassin álbmotmeahci lahkosiin lea gáfestallanstobuid rabasdoallandoaibma Ylläsjärvi lulábealde Aurinkotupas, oarjjábealde Tunturijärvi kioskkas ja Äkäsjoki guoras Háldi (Velho) goađis.
- Kukastunturi davábealde lea giđđasesoŋŋa áigge rabas Peurakaltio stálljegáffestohpu ja Äkäsjärvi lulábealde Äkäsmylly millogáffestohpu.
Dolastallanbáikkit
- Álbmotmeahcis dehe dakka dan lahkosiin leat dolastallama várás ja dálkesuodjin lávut, goađit ja dolastallanbáikkit. Álbmotmeahci áhpásnuvvangeavahusavádagas dola cahkkeheapmi lea lobálaš dušše dan várás huksejuvvon dolastallanbáikkiin. Álbmotmeahci ravdaavádagas dola oažžu dahkat čázádagaid lahkosiidda rissiiguin ja ovssiiguin, mat leat eatnama nalde. Meahccebuollinváruhusa áigge sajusdola dahkan lea gildojuvvon juohke sajes, maid merkejuvvon dolastallanbáikkiin ja rabaslávuid árraniin. Goikáseamos áigge ávžžuhuvvo, ahte dolla ii cahkkehuvvo gođiid ja stobuid dollasajiidege.
- Dolastallanbáikkit leat
- Báktevári vuolde
- Rávdojávrres Ovnnesduoddariid oarjjádavábealde álbmotmeahci olggobealde
- Onnás- ja Ovnnesjogaid ovttastuvvansajes álbmotmeahci nuorttadavábealde meallunjohtolaga guoras
- Ovnnesjoga guoras, Ketomellas luotta mielde kilomettara lulás
- Goađit leat
- Savilampis
- Hietajärvis
- Hánnoguras
- Varkaanjärvis
- Suvašguras
- Rihmakurus
- Bállásčearu vuolde
- Hirvaslahtis Bállásjávrri gáttis
- Bállásluobbalis Bállásjávrri gáttis
- Vuontisjärvi oarjegáttis álbmotmeahci oarjjábealde mohtorgielkávuodjinluotta guoras
- Linkukero lahkosiin, gos lea Linkukota ja Linkusilmä goahti
- Pyhäjärvi birrasis, gos leat golbma goađi
- Aakenusjärvis
- Lainiotunturis, gos lea Karhukota
- Kotamajas
- Beaivereaissuid dálkesuodjelávut leat
- Sarvijärvis
- Tahkokurus
- Kahvikeidasis
- Varkaankurus
- Beaivestobut leat dárkkuhuvvon vuoiŋŋasteami, dolastallama ja nisttiid borrama várás. Dat leat
Juhkančáhci
- Stobuid lahkosiin juhkančázi gánnáha viežžat juogo gáivvos dehe eará merkejuvvon čáhcebáikkis dehe dárbahassii guhkkin visttiin. Lieggasiid áigge čázi gánnáha vuoššat.
Bázahusfuolahus
- Eanas barttain ja stobuin leat ain bázahuslihtit. Ylläs - Aakenus -guovllu lávuin ja stobuin leat bázahuslihtit váldojuvvon eret ja boahtteáigge oba álbmotmeahci guovllus vigget sirdásit ribahis vánddardeapmái. Dalle vánddardeddjiid vurdet buktit ieža bázahusaideaset eret meahcis. Ekobáikkit báhcet dušše Nammalgura, Hánnogura ja Bassičearu stobuide. Ekočuokkis lea maid Kellokasa, Bállásduoddara ja Duottar-Sámi luondduguovddážis.
Hivssegat
- Ávdin-, beaive- ja várrehusstobuid sihke lávuid ja eanas dolastallanbáikkiid olis lea olgohivsset.
Idjadeapmi
Dealttástallan
- Álbmotmeahci áhpásnuvvangeavahusavádagas dealttástallan lea lobálaš stobuid ja dolastallanbáikkiid lahkosiin. Ravdaavádagas dealtásaji oažžu friddja válljet, muhto dola oažžu cahkkehit dušše čázádagaid lahka.
Ávdinstobut
- Álbmotmeahci viidodagas leat guoktelogi ávdinstobu. Dat leat dárkkuhuvvon ovtta dehe guovtti ija idjadeapmái. Daid geavahus lea nuvttá.
- Ávdinstobut leat
Várrehusstobut
- Várrehusstobut leat golbma. Daidda galgá várret ovddalgihtii seaŋgabáikki idjadeami várás. Buot várrehusstobuin leat gávcci seaŋgabáikki. Várrehusat dikšojuvvojit Bállásduoddara luondduguovddážis. Čoavdagiid sáhttá viežžat juogo Bállásduoddara, Kellokasa dehe Duottar-Sámi luondduguovddážis. Seaŋgabáikki haddi lea 11 euro / olmmoš / idja:
Láigostohpu ja -barttat
- Álbmotmeahci siste leat guokte láigostobu, man sáhttá láigohit ollásii iežas atnui.
Ássanbiillaid orusteapmi
- Aitosaš gohttenbáikkit bálvalusaidisguin eai álbmotmeahci viidodaga siste leat. Ássanvovnnaiguin ja -biillain johttiide lea orustanguovlu Bállásduoddara luondduguovddážis kilomettarbeale lulás. Doppe eai leat goitge bálvalusat. Bállás-Hotealla, Hotelli Vuontispirtti ja Jerisa sihke Heahtá, Äkäslompolo ja Ylläsjärvi hoteallaid olis leat bálvalusat maid ássanvovnnaiguin mátkkošteddjiide.
Idjadeapmi lagašguovlluin
- Buot lagašguovllu giliin gávdnojit eatnat láigobarttat, gohttenbáikkit, hoteallat, eanadálloturismabálvalusat, restauráŋŋat, gáfestallanbáikkit, gávppit, spesiálafitnodagat ja eará bálvalusat. Daid oktavuohtadieđut gávdnojit Ylläsa (www.yllas.fi, suomagillii) turismaguovllu, Eanodaga (www.enontekio.fi, suomagillii), Gihttela (www.kittila.fi, suomagillii), Kolari (www.kolari.fi, suomagillii) ja Muoná (www.muonio.fi, suomagillii) gielddaid fierbmesiidduin.
Sávdnji
- Hánnoguras lea rabas sávdnji, mii lea buohkaid anus. Sávnnji geavahanmáksu lea 7 e / rávesolmmoš, 4 e / mánná (vuollel 7j) dehe jovkui gullevaš (joavku lea > 10 olbmo).
- Máksit sáhttá ovddalgihtii Bállás-Ylläsduoddara álbmotmeahci luondduguovddážiidda dehe mobiilalohpin nu ahte čuojaha
- nummárii 06060 56 1439 (7 e máksu) dehe
- nummárii 06060 56 1440 (4 e máksu). Okta telefuvdna vástida álohii ovtta 7 e dehe 4 e ruhtamávssu.
- Sávdnjevuoruid juohkimis ávžžuhit geavada, mas bárralaš diimmut leat nissonolbmuid anus ja bárahis diimmut dievdoolbmuid. Ná buot geat hálidit besset sávdnjut.
Biergasiid láigoheapmi
- Lagašguovllu fitnodagain sáhttá láigohit fatnasiid, kanohtaid, meahcce- ja čierastallansabehiid, vánddardangápmagiid ja meahccesihkkeliid.
Lihkadaneasttálaččaid bálvalusat
- Bállásduoddara, Kellokasa ja Duottar-Sámi luondduguovddáža čájáhusaide sáhttá oahpásnuvvat maid rullastuoluin.
- Bállásduoddara, Duottar-Sámi ja Kellokasa luondduguovddážis lea inva-wc.
- Bállásduoddara luondduguovddáža šiljus sáhttá johtit kilomettara mátkki boares hotealla bázahusaide ja Bállásčearus goahtái rullastuoluin, jos mielde lea veahkeheaddji.
- Pyhäjoki luonddubálgá álgooassái beassá oahpásnuvvat rullastuoluin.
- Kellokasa luondduguovddážis vuolgá oanehis rullastuollojohtolat lagašjeaggái. Johtolaga guoras leat oahpistandávvalat, mat muitalit luonddus. Goahtái doalvu rullastuolloluodda, muhto šiljus ja johtolagain lihkadeapmái dárbbahuvvo veahkeheaddji. Maiddái Kellokasa šilju vuovdebargomuseai beassá rullastuoluin jos mielde lea veahkeheaddji.
- Eará čuozáhagat, mat leat álkit olaheamis, leat Pakasaivo, Äkäsmylly ja Ylläsjärvi loddedoardna.
- Hannukaisenlammi hámmanis, mii lea álbmotmeahci olggobealde, sáhttá álkit bivdit dápmogiid ja girjeluosaid. Láddos lea dolastallanbáiki ja inva-olgohivsset.
Fanastallid bálvalusat
- Bállásjávrris leat guokte stáffu, main lea betonafanashállan. Goappáš báikkin lea goahti nisttiid borramii ja dolastallama várás.
Eará bálvalusat lagašguovlluin
- Gávppit leat Äkäslompolos, Ylläsjärvis, Gihttelis, Kolaris, Muonios, Heahtás ja Raattamas.
- Gáfestallanbáikkit ja restauráŋŋas leat Äkäslompolos, Ylläsjärvis, Bállásis, Raattamas, Vuontispirttis, Kutunivas, Jerisis, Olosis, Muonios ja Heahtás.
- Lagamuš báŋkkut ja báŋkoautomáhtat leat Äkäslompolos, Gihttelis, Kolaris, Muonios ja Heahtás. Báŋkogoarta heive eanas báikkiin máksingaskaoapmin.
- Gihttelis, Kolaris, Muonios ja Heahtás lea maid boasta, aptehka, dearvvašvuohtaguovddáš ja eará gieldaguovddážiid bálvalusat.
- Dákset leat measta juohke gilis
- Galleriat, museat ja eará oaidnámušat leat máŋgga gilis
- Biilasirdinbálvalusat ja fánassáhtut
- Mávssu vuostá vánddardeaddji sáhttá sávdnjut ja mannat rišus Heahtás máŋgga idjadanviesus ja Bállása birrasis ee. Hotelli Jerisa ođđa lávggohagas. Äkäslompolos ja Ylläsjärvis leat máŋggat fitnodagat, mat fállet orrunbálvalusaid.
- Lassidieđut gielddaid ruovttusiidduin; Eanodat (www.enontekio.fi, suomagillii), Gihttel (www.kittila.fi, suomagillii), Kolari (www.kolari.fi, suomagillii) ja Muonio (www.muonio.fi, suomagillii)
- Máŋggabealat dieđut Lappis ja guovllu turismabálvalusain gávdnojit Lappi turismaportálas (www.lappi.fi, suomagillii).