Suoločielggi guovllu bálvalusat
Áššehasbálvalus ja oahpisteapmi
- Suoločielggi bálvalanbáiki Kiehinen
- Finmárkkubálgá alde - vánddardančuozáhatčájáhus ja multivišuvdnabuvttus
- dieđut UK-álbmotmeahci birra, álbmotmeahcis vánddardeamis, stobuin, jogaid rasttildeamis sihke rávvagat vánddardanjohtolagaid plánemii
- dieđut Suoločielggi ja Kiilopää lahkosiid vánddardanvejolašvuođain
- Bátneduoddara meahcceguovllu láigostobuid várremat ja čoavdagat
- UK-álbmotmeahci várrenstobuid čoavdagat
- guolástan-, meahcástan- ja mohtorgielkálobiid vuovdin
- stuorra válljenmunni guovllu kárttat, luondo- ja vánddardangirjjiid ja UK-álbmotmeahci mearkabuktagiid vuovdin
- dieđut ja dieđihančállosat Meahciráđđehusa buktagiin ja bálvalusain
- Suoločielggi turismarávven
- Kiehinenis doaibmá Anára gieldda turismarávvenčuokkis
Oktasašbárgoguimmiid fálaldagat álbmotmeahcis
- Suoločielggis bálvalusaid lágideaddji oktašasbargoguoimmit (suomagillii)
- Čuovvovaš fitnodagat ja oktašasbargoguoimmit lágidit bálvalusaid. Sis lea oktašasargosoahpamuš Meahciráđđehusain ja sii ollašuhttet bistevaš luondduturisma prinsihpaid doaimmadettiin álbmotmeahcis.
Boradeapmi, málesteapmi ja nisttiid háhkan
Kafeat ja restoráŋŋat
- Suoločielggi turismaguovddážis, Laanilas, Kakslauttanenis, Kiilopääs ja Kaunispääs leat kafeat ja restoráŋŋat.
Gávppit
- Suoločielggi turismaguovddážis leat guokte borramušgálvogávppi.
Dolastallanbáikkit, stobut ja goađit
- Suoločielggi guovllus leat moanat dolastallanbáikkit, beaivestobut, lávut ja goađit. Eatnašiid dain bajásdoallá Meahciráđđehus. Sajušdola ii oaččo cahkkehit meahccebuollinváruhusa áigge rabas dolastallanbáikkiin, muhto mátkevuoššana gal oažžu geavahit. Geavat dolastaladettiin sesttovaččat boaldinmuoraid.
Juhkančáhci
- Bajildusčázi, dego jávrriid, jogaid ja ádjagiid čázi gánnáha duolddahit muhtun minuhta ovdalgo juhká, dasgo čázi kvalitehta molsašuddá guovlluid ja temperatuvrra mielde.
- Gáldočáhci gal dábálaččat jugaha nuvván, vaikko dan kvalitehta ii livččege dutkojuvvon.
- Loga lasi juhkančázi (suomagillii) birra vánddardeami abc:s
Bázahusfuolahus
- Suoločielggi lahkosiin merkejuvvon johtolagaid birrasiin vánddarduvvo ludnekeahttá. Beaivevánddardanjohtolagaid guoras leat buorre muddui jávkaduvvon seahkalasbázahuslihtit. Stobuid čorgatvuohta ja bázahusfuolahus vuođđuduvvetge vánddardeaddjiid iešdoaimmalašvuhtii ja bázahusaid sirremii. Smiehta juo ovddalgihtii ahte dutnje eai šatta joavdelas bázahusat. Meahcis biohádjoseaddji bázahusaid sáhttá álo bidjat kompostii dahje goikehivssegii. Buhtes kartoŋgga ja báhpára sáhttá boaldit dolastallanbáikkis. Eará bázahusaid vánddardeaddji buktá ieš eret meahcis ekobáikái. Johtolagaid vuolginsajiin leat gielddaid bajásdoallan ekobáikkit.
- Loga lasi ribahis vánddardeamis.
Hivssegat
- Suoločielggi guovllus ja UK-álbmotmeahcis measta buot stobuid ja lávuid oktavuođas leat goikehivssegat.
Idjadeapmi
Tealttástallan, lávut ja goađit
- Gohttet oažžu juohkeolbmovuoigatvuođa vuođul (www.ymparisto.fi, suomagillii) UK-álbmotmeahci ja Soabbada luonddumeahci olggobealde.
- UK-álbmotmeahcis vuođđooasis oažžu gohttet dušše dolastallanbáikkiin ja stobuid lahkosis dan várás oaivvilduvvon tealttástallanbáikkiin. Báikkálaš ássiin leat dihto sierravuoigatvuođat UK-álbmotmeahcis.
- Dárkilet rávvagat ja njuolggadusat UK-álbmotmeahcis
- Soabbada luonddumeahci ortnetnjuolggadus
- Suoločielggi guovllus leat fitnodatolbmuin gávppálaš tealttástallanbáikkit, maid birra oažžu lassedieđuid Suoločielggi neahttasiidduin (www.saariselka.fi, suomagillii).
Ávdin- ja várrehusstobut
Suoločielggi guovllus beaivevánddardanjohtolagaid guoras leat vánddardeaddjiid atnui oaivvilduvvon beaivestobut. Muhtumat dain leat UK-álbmotmeahci ng. vuođđooasis, muhtumat álbmotmeahci olggobealde. Beaivestobut leat oaivvilduvvon oanehet orusteapmái, eai idjadeapmái. Suoločielggi guovllus gávdno maiddái soames ávdin- ja várrenstohpu idjadeami várás.
- Miessemánu álggus vuovdigoahtet stohpovárremiid boahtte jahkái.
- Várremat e-mail: ukpuisto(at)metsa.fi
- Várremat golggot - miessemánnu: Suoločielggi bálvalanbáiki Kiehinen
- Várremat geasse- čakčamánnu: Nuorttabeale luondduguovddáš
Suoločielggi guovllu beaivestobut álbmotmeahci olggobealde
- Karvaselkä gobmestohpu, beaivestohpu
- Kelo-oja golleroggi stohpu, beaivestohpu
- Luttotupa, beaivestohpu
- Moitakuru, beaivestohpu
- Prospektora ruvkegámpá, beaivestohpu
UK-álbmotmeahci vuođđooasi stobut
- Kivipää, ávdinstohpu
- Lankojärvi, ávdinstohpu
- Lankojärvi, várrehusstohpu
- Luulampi, beaivestohpu
- Porttikoski, ávdinstohpu
- Rautulampi, beaivestohpu
- Rumakuru, ođđa beaivestohpu
- Rumakuru, boares beaivestohpu
- Šuomaruoktu, ávdinstohpu
- Šuomaruoktu, várrehusstohpu
- Tammakkolampi, várrehusgámme
- Vellinsärpimä, beaivestohpu
Idjadeapmi lahkosiin
- Suoločielggi guovllus moanat olbmot ja fitnodagat fállet idjadanbálvalusaid. Lassedieđut bálvalusaid birra gávdnojit Suoločielggi (www.saariselka.fi, suomagillii), Anára gieldda (www.inari.fi) ja Soađegili gieldda (www.sodankyla.fi) neahttasiidduin ja Lappi turismaportálas (www.lappi.fi, suomagillii).
Karavánariid bálvalusat
- Suoločielggi guovllus doaibmi turismafitnodagatolbmuin muhtumat láigohit karavánariidda ja ássanvovnnaide báikkiid. Lassedieđut bálvalusaid birra gávdnojit Suoločielggi neahttasiidduin (www.saariselka.fi, suomagillii).
Biergasiid láigoheapmi
- Suoločielggi guovllus leat moanat fitnodagat, main sáhttá láigohit vánddardanbiergasiid ja -neavvuid. Lassedieđut bálvalusaid birra gávdnojit Suoločielggi neahttasiidduin (www.saariselka.fi, suomagillii).
Lihkadanlápmásiid bálvalusat
- Bálvalanbáiki Kiehinen lea Suoločielggis Siula-dálus, man váldosisamanahat lea állejuvvon. Siula-dálus lea maiddái hissa.
- Biillain beassá Kaunispää alážii, gos lea hui várddus birasduovdagiidda. Maiddái Suoločielggi magnehtaluohkkái ja museageidnui sáhttá oahpásmuvvat biillain.
- Veahki veagas lihkadanlápmásat sáhttet beassat čuovvovaš dolastallanbáikkiide:
- Kiilopää dolastallanbáiki Kiilopää luonddubálgáid vuolginsajis Tunturikeskusa šiljus.
- Piispanoja dolastallanbáiki Suoločielggi turismaguovddáža ja Laanila gaskkas. Piispanojai beassá veahki veagas geassit Laanila vánddardanjohtolaga mielde. Piispanoja goikehivsset heive lihkadanlápmásiidda, geain lea veahkki.
- Suoločielggi turismaguovddáža sihkkelgeainnuid mielde sáhttet johtit maiddái lihkadanlápmásat ja guovllu turismafitnodagain gávdnojit lihkadanlápmásiidda heivvolaš čuozáhagat ja bálvalusat.
Eará bálvalusat lahkosiin
- Suoločielggi turismaguovddáža guovllus gávdnojit vánddardanbiergasiid vuovdi buvddat ja eará gávppit, báŋkoautomáhta, tákse, poasta ja boaldámušváldinbáiki.
- Suoločielggis gávdnojit maiddái doavtterbálvalusat. Lagamus báŋkkut ja dearvvasvuođaguovddážat leat Avvilis ja Soađegilis. Suoločielggis lea dálkkasskáhppe. Lagamus apoteaika lea Avvilis.
- Máŋggabealat dieđut Lappis ja guovllu turismabálvalusain gávdnojit Lappi turismaportálas (www.lappi.fi, suomagillii).