Mallá bálvalusat

Áššehasbálvalus ja oahpisteapmi

• Gilbbesjávrre luonddudállu lea rábas njukčamánu álggu rájes gitta čakčamánu lohppii.
  • diehtu guovllu luonddus, vánddardeamis ja bálvalusain
  • doppe sáhttá háhkat lobiid, gárttaid, girjjiid ja mátkemuittuid
• Duottar-Sámi luondduguovddáš bálvala sesoŋŋaáiggiid olggobealde, go luonddudállu lea gitta.
• Mallá luonddumeahci meahcceoahpistandávvalat leat suoma-, eŋgelas-, davvisáme- ja dárogillii.

Boradeapmi, málesteapmi ja nisttiid háhkan

Restauráŋŋat ja gávppit

• Gilbbesjávrres leat eanet restauráŋŋat, K-gávpi sihke gávpi, mii vuovdá vánddardanbuktagiid.
• Lassidieđut Gilbbesjávrre (www.enontekio.fi, suomagillii) ja Eanodaga suohkana (www.tosilappi.fi, suomagillii) fierbmesiidduin.

Stobut ja dolastallansadji

• Dola cahkkeheapmi Mallá luonddumeahcis lea gildojuvvon.
• Guohkkemašjávrri ávdin- ja várrehusstobus lea gássaommán málesteami váste.
• Guohkkemašjávrre ávdinstobu šiljus lea maid dolastallansadji. Sajušdola cahkkeheapmi dolastallansadjái lea meahccebuollinváruhusa áigge gildojuvvon.

Juhkančáhci

• Čáhci lea dábálaččat dohkálaš juhkat, muhto geassebáhkaid áigge lea buoremus vuoššat čázi.

Bázahusfuolahus

• Guovllu meahccečuozáhagain eai báljo leat ruskkaid čoagginlihtit, nu ahte bázahusfuolahus lea juohkeovtta iežas ovddasvástádus. Dát dárkkuhan dan, ahte vánddardeaddji váldá vára iežas ruskkain nu ahte buktá daid eret meahcis ruskaordnemii. Meahcis sáhttá goit dábálaččat komposteret biobázahusaid ja boaldit buolli ruskkaid.
• Loga eambbo ribahis vánddardeamis.

Hivssegat

Guohkkemašjávrre ávdin- ja várrehusstobus lea ekohivsset.  

Idjadeapmi

Dealttástallan

• Mallá luonddumeahcis dealttástallan lea gildojuvvon. Dealttá sáhttá cegget Guohkkemašjávrre ávdinstobu šilljui.

Ávdin- ja várrehusstobut

• Ávdinstobus sáhttá idjadit ovtta guokte ija, dárkkit dieđuid oaččut ávdinstobut fierbmesiiddus.
• Várrehusstobuin oažžu sesoŋŋaáiggiid láigohit idjasaji eanemusat guovtti idjii
  • Idjadeapmi várrehusstobus máksá 11 euro olbmo nammii.
  • Stohpovárrehusat: Duottar-Sámi luondduguovddáš dehe Gilbbesjávrre luonddudállu
• Guohkkemašjávrre ávdinstohpu
  • Golmma váldegotti rádjemearkka luhtte, Guohkkemašjávrre nuortadavvigáttis sulaid 100 m Norgga rájis
• Guohkkemašjávrre várrehusstohpu
  • Golmma váldegotti rádjemearkka luhtte, Guohkkemašjávrre nuortadavvigáttis sulaid 100 m Norgga rájis

Idjadeapmi lahkosiin

• Gilbbesjávrre guovllu fitnodatolbmot láigohit luopmobarttaid, karavánariid váste leat orrunvovdnasajit, main lea elrávdni ja Gilbbesjávrres lea okta hotealla.
• Lassidieđut bálvalusain Eanodaga suohkana fierbmesiidduin (www.enontekio.fi, suomagillii) ja Lappi turismaportálas (www.lappi.fi, suomagillii).

Biergasiid láigoheapmi

• Gilbbesjávrre mátkedoaibmafitnodagain sáhttá jearrat láigobiergasiid, lassidieđut Gilbbesjávrre fierbmesiidduin (www.enontekio.fi, suomagillii).

Lihkadanlápmásiid bálvalusat

• Gilbbesjávrre luonddudálus sáhttá lihkadit juvlastuoluin. Luonddudálus lea inva-hivsset. Mallá luonddumeahci vánddardančuozáhagat eai heive lihkadannávccahis lápmásiidda.

Eará bálvalusat lahkosiin

• Lagamus báŋkkut, báŋkoautomáhtta, dearvvašvuohtaguovddážat ja aptehkat leat Eanodaga girkogilis Heahtás ja Muonio girkogilis.
• Gárasavvonis lea dearvvašvuohtastašuvdna.
• Gilbbesjávrres lea bensiidnastašuvdna, gávpi, fievrridanbálvalusat (dákse, Mallá-fanas, girdibálvalusat, biilasirdinbálvalus), lohpevuovdin sihke áššeolmmošboasta ja dálkkasskábe.
• Lassidieđut Eanodaga suohkana fierbmesiidduin (www.enontekio.fi, suomagillii).
• Máŋggabealat dieđut Lappis ja guovllu turismabálvalusain gávdnojit Lappi turismaportálas (www.lappi.fi, suomagillii).