Urho Kekkonena álbmotmeahci bálvalusat

Áššehasbálvalus ja oahpisteapmi

  • Bálvalanbáiki Kiehinen. Govva: Nina RaasakkaSuoločielggi bálvalanbáiki Kiehinen
    • dieđut ja dieđihančállosat Meahciráđđehusa buktagiid ja bálvalusaid birra
    • dieđut UK-meahci, álbmotmeahcis vánddardeami, stobuid ja jogaid rasttildemiid birra ja rávvagat vánddardanjohtolagaid plánemii
    • dieđut lahkosiid vánddardanvejolašvuođain
    • UK-meahci várrenstobuid ja Avviljoga láigobarttaid čoavdagat
    • guolástan- ja mohtorgielkámáđidjalobiid vuovdin ja Meahcirađđehusas láigobarttaid várremat
    • kárttaid ja luonddu ja vánddardeami birra muitaleaddji girjjiid vuovdin
  • Nuorttabeale luondduguovddáš
    • UK-álbmotmeahci birra muitaleaddji čájáhus, boraloddečájáhus ja molsašuvvi čájáhusat.
    • dieđut ja dieđihančállosat Meahciráđđehusa buktagiid ja bálvalusaid birra
    • vánddardanrávven, UK-meahci stohpovárremat ja stobuid čoavdagat
    • UK-meahci birra muitaleaddji čájáhus ja molsašuvvi čájáhusat
    • 104-báikki auditorio diačájáhusaide, sáhttá láigohit maiddái čoahkkinatnui
    • guolástanlobiid ja kárttaid vuovdin
    • vánddardeami ja luonddu birra muitaleaddji girjjiid, UK-álbmotmeahci mearkabuktagiid, vánddardandárbašiid ja kárttaid vuovdin
  • Bealljeduoddara oahpistanguovddáš. Govva: Aini Magga Suovvaguoikka oahpistanguovddáš Bealljeduottar
    • dieđut ja dieđihančállosat Meahciráđđehusa buktagiid ja bálvalusaid birra
    • vánddardanrávven ja UK-meahci várrenstobuid čoavdagat
    • UK-meahci ja dan meahcceguovlluid birra muitaleaddji čájáhus ja molsašuvvi čájáhusat
    • 80-báikki auditorio diačájáhusaide, sáhttá láigohit maiddái čoahkkinatnui
    • guolástanlobiid ja kárttaid vuovdin

Ovttasbargobeliid fállan bálvalusat álbmotmeahcis

Boradeapmi, málesteapmi ja nisttiid háhkan

Gávppit

  • Vánddardannisttiid sáhtát háhkat lahkosiid gávppiin, bensenstašuvnnain ja turistafitnodagain Suoločielggis (www.saariselka.fi, suomagillii), Suovvaguoikkas (www.savukoski.fi, suomagillii), Vuohčus ja Tulppios.

Dolastallanbáikkit, lávut, stobut ja goađit

Álbmotmeahci vuođđooasis ja Suoločielggi ja Njuohttejoga meahcceguovloosiin oažžu dolastallat dušše huksejuvvon dolastallanbáikkiin. Giemajoga - Soabbada meahcceguovlooasis oažžu bidjat dola rissiiguin ja eatnamii gahččan ovssiiguin. Lávuin ja gođiin lea sahá ja ákšu muorravisttis.

Govva: Ari Kukkala.
  • Álbmotmeahcis leat:
    • 5 ávdinstobu
    • 37 ávdin- ja várrenstobu, rabas- ja várrengámmet ja láigostohpu
    • 24 lávu
    • 3 vuoššan-goavddi
    • 5 goađi
    • s. 130 dolastallan-báikki
  • Rusttegiid báikkit leat merkejuvvon Koilliskaira, Suoločielgi-Kiilopää ja Sokosti-Šuomajohka -olgolihkadankárttaide. Rusttegat gávdnojit maiddái retkikartta.fi -kártabálvalusas (suomagillii).
  • Meahccebuollinváruhusa áigge ii oaččo gostige bidjat sajušdola, ii maiddái merkejuvvon dolastallanbáikkiin ja rabaslávuid dollasajiin. Garra goikkádagaid áigge ii heive bidjat dola ii gođiid ja gámppáid dollasajiidege. Mátkevuoššana oažžu álo geavahit. Geahča beaivvi dálkki ja váruhusaid. (www.fmi.fi)

Juhkančáhci

  • Guovllu ládduid, ádjagiid ja jogaid čáhci jugaha dábálaččat, muhto čáziid eai leat dutkan. Nuba juhkančázi gánnáha sihkkarvuođa dihte vuoššastit.
  • Luondduguovddážiin ja bálvalanbáikkiin fidnet dárbbu mielde čázi fárrui.
Govva: Nina Raasakka.

Bázahusfuolahus

  • Suoločielggi-Kiilopää guovllus galgá vánddardit ludnekeahttá. Suoločielggi beaivevánddardanjohtolagaid guovllus leat váldojuvvon eret ruskalihtit. Gánnáha nappo juo ovddalgihtii ráhkkanit dasa, ahte eai čoggo joavdelas bázahusat. Stobu čorgatvuođa ja bázahusfuolahusa vuođđun lea goittot vánddardeaddjiid iešdoaimmalašvuohta ja bázahusaid sirren: Komposterendohkálaš bázahusat biddjojuvvojit stobu kompostorii ja buolli bázahusaid sáhttá boaldit kamiinnas. Ruskabáikebázahusaid ii oaččo guođđit álbmotmeahccái. Álbmotmeahci stobuid fuolaha Meahciráđđehusa gieddebargoveahka. Stobuid čorgatvuohta ja bázahusfuolahus vuođđuduvvet goittot vuosttažettiin vánddardeaddjiid iešdoaimmalašvuhtii ja bázahusaid sirremii. Ruskkaid renskenbáikkit leat juohke johtolaga vuolgin- ja máhccansajis.

Lassidieđut Nuorttabeale luondduguovddážis, Suoločielggi bálvalanbáiki Kiehinenis ja čorges vánddardeami siidduin.

Hivssegat

  • Stobuin ja muhtun dolastallanbáikkiin leat goikehivssegat.

Idjadeapmi

Tealttástallan

  • Álbmotmeahci vuođđooasis oažžu gohttet dušše dolastallanbáikkiin ja stobuid lahkosiin gohttema várás oaivvilduvvon tealttástallanguovlluin. Suoločielggi, Njuohttejoga ja Giemajoga-Soabbada meahcceguovloosiin oažžu gohttet gos ieš háliida earret Paratiisikuru, Lumikuru, jalges duoddara ja boares rusttegiid birrasiid, gos gohtten lea gildojuvvon. Stobuid lahkosis ja Luirojávrri gáttis galgá geavahit dan várás oaivvilduvvon gohttenbáikkiid. Gohttema sáhttá goittot gáržžidit earáge rašis guovlluin.
  • Báikkálaš ássiin leat dihto sierravuoigatvuođat; loga dárkileappot ortnetnjuolggadusas.

Lávut ja goađit

Eatnašat álbmotmeahci lávuin ja gođiin leat Šuomajoga, Lohtu ja Njuohttejoga guoras ja dat heivejit idjadeapmái vuosttažettiin geassit ja čakčat. Buot lávuin ja gođiin leat muorravisti ja goikehivsset.

Govva: Aini Magga.
  • Álbmotmeahci vuođđooasis leat lávut ja goađit 14, Suoločielggi meahcceguovlooasis 3, Giemajoga-Soabbada meahcceguovlooasis 1 ja Njuohttejoga meahcceguovlooasis 11.
  • Rusttegiid báikkit leat merkejuvvon Koilliskaira, Suoločielgi-Kiilopää ja Sokosti-Šuomajohka -olgolihkadankárttaide. Rusttegat gávdnojit maiddái retkikartta.fi -kártabálvalusas (suomagillii).

Ávdin- ja várrenstobut sihke rabas- ja várrengámmet

UK-álbmotmeahcis leat vánddardeaddjiid anus oktiibuot 38 idjadanstobu ja -gámme. Boarráseamos stobut leat 1930-logus, muhto ainge anus leahkki Rumakuru boares beaivestobu hirssain vuhttojit merkesteamit 1800-1900-loguid molsašuvvama áiggiin. Álbmotmeahci ođđaseamos stobut leat huksejuvvon juo badjel 20 jagi dás ovdal. Jagiid mielde stobut leat ordnejuvvon, muhto liikká ainge lea vuohttimis guovllu boares vánddardanhistorjá.

Stobuin ja gámmiin sáhttá vuoiŋŋastit, idjadit, ráhkadit borramuša ja goikadit biergasiiddis. Ávdinstobu oažžu geavahit friddja, várrenstobu ja -gámme sáhttá geavahit dušše dalle, go várren lea fámus. Stobuid rusttetdásis muitaluvvo guđege stobu govvideamis.

  • Ávdinstobuin ja rabasgámmiin sáhttá orrut guhkimustá guokte ija maŋŋálagaid.
    • Várrenstobuid ja -gámmiid sáhttá várret guhkimustá guovtte maŋŋálas idjii.
    • Golggot-guovvamánnu ja miessemánnu várrenstobut ja -gámmet sáhttá várret juoba vahku (7 jnd).
  • Várrenstobuid ja -gámmmiid haddi lea 11 euro / idja / seaŋgasadji, mánná- ja joavkovuoládusat eai leat. Spiehkastagat:
  • 4.5.2015 vuovdigoahtet stohpovárremiid boahtte jahkái.
  • Várremat e-mail: ukpuisto(at)metsa.fi
    Várremat golggot - miessemánnu: bálvalanbáiki Kiehinen
    Várremat geasse- čakčamánnu: Nuorttabeale luondduguovddáš

Láigostohpu

  • Álbmotmeahcis lea okta láigostohpu; haddi 45 euro/idja
  • Láigostobu sáhttá várret guhkimustá guovtte maŋŋálas idjii. Sesoŋŋa olggobealde, skábma-guovvamánus ja miessemánus, stobu sáhttá láigohit vaikko vahkkui (7 jnd).
  • Maŋit jagi stohpovárremiid vuostáiváldigohtet 4.5.2015 dbm. 9:00
  • Láigostobu várremiin fuolaha Nuorttabeale luonddguovddáš.

Sávnnit

  • Álbmotmeahcis leat guhtta rabas sávnni, maid buohkat ožžot geavahit.
    • Sávdni lea Luirojávrris, Anterinmutkas, Tahvontupas, Vieriharjus, Härkävaaras ja Karhuojas.
    • Tikkasa Vieriharju láigostobus lea sávdni, mii lea dušše stobu láigoheaddji anus.
Govva: Matti Mäcklin.

Idjadeapmi lahkosiin

Biergasiid láigoheapmi

Guovllu lahkosiid turistafitnodagat láigohit vánddardanbiergasiid.

Lihkadanlápmásiid bálvalusat

  • Nuorttabeale luondduguovddáža olgoboardagis lea álugorgŋehat lápmásiidda. Čájáhuslanjat leat guovtte gearddis ja badjegearddi čájáhussii beassá juvlastuoluin maŋŋeuksaráigge. Visttis lea inva-wc. Šilljobirrasis vuolgá kilomehtera guhkkosaš čievrrain gokčojuvvon luonddubálggis (Urpiaislenkki), mii heive maiddái olbmuide, geat leat juvlastuoluin jođus. Suovvaguoikka oahpistanguovddáš Bealljeduoddara olgoboardagis lea álugorgŋehat lápmásiidda. Čájáhus lea ovtta gearddis ja dasa sáhttá oahpásmuvvat juvlastuoluin. Visttis lea inva-wc.
  • Suoločielggi bálvalanbáiki Kiehinena olgoboardagis lea álugorgŋehat lápmásiidda. Čájáhussii sáhttá oahpásmuvvat maiddái juvlastuoluin. Visttis lea inva-wc.

Eará bálvalusat lahkosiin

Lassedieđut guovlluid fierbmesiidduin